اسلام کے عروج کا پرچم حسین ہیں
حقانیت کےنقشِ مُعظّم حسین ہیں
مہکی ہےجس سے صبر و عزیمت کی کائنات
انسانیت کے وہ گلِ اکرم حسین ہیں
پھیلی ہے شَشْ جِہاتْ میں سیرت کی روشنی
بیشک چراغِ محفلِ آدم حسین میں
سُرخی ہے آسماں کے کناروں پہ اسلیے
اعداے دیں پہ آج بھی برہم حسین ہیں
جاری ہے ہر یزید سے اب بھی مقابلہ
حق کی ڈگر پہ سب سےمُنظّم حسین ہیں
ملتاہےاُنکے در سے نئی زندگی کاجوش
عزم و یقیں کے جلوۂ مُحکَم حسین ہیں
ذکرِ حسین ، قوتِ مُسلِم کا ہے سبب
تاحشر ایک جرأتِ پیہم حسین ہیں
نام یزید، لعنت و ذلت کا اک نشاں
چرخِ شرف کے نیّرِ اعظم حسین ہیں
دنیا حسینیوں پہ کرے لاکھ بندشیں
ہرکربلا میں فیض کے زمزم حسین ہیں
مایوسیوں میں اک نئی قوت ہے انکی یاد
رنج و الم میں صبرکے مرہم حسین ہیں
حُبِّ حسینِ پاک ، مدارِ نجات ہے
یعنی کہ آخرت میں بھی ہمدم حسین ہیں
اُنکی ڈگر ، رضاے خدا کا ہے راستہ
تفسیرِ ” لِلَّتِيْ هِی أَقْوَمْ ،، حسین ہیں
ہرباب لاجواب ہے ان کی حیات کا
نورِ جمالِ سیدِ عالَم حسین ہیں
ہستی میں کیوں نہ صبر وشجاعت کے رنگ ہوں
خوے علی و زہرا کے سنگم حسین ہیں
اِس ماہ کو بھی نسبتِ شبیر پر ہے ناز
وجہِ وقارِ ماہِ مُحَرَّم حسین ہیں
ہوگی نہ کم فریدؔی ، ثناے حسینیت
فکر و زباں پہ سب سے مقدم حسین ہیں
Islam Ke Urooj Ka Parcham Husain Hain
Haqqaniyat Ke Naqsh-e-Muazzam Husain Hain
Mehki Hai Jis Se Sabr-o-Azeemat Ki Kainaat
Insaniyat Ke Woh Gul-e-Akram Husain Hain
Phaili Hai Shash Jihaat Mein Seerat Ki Roshni
Beshak Chiragh-e-Mehfil-e-Adam Husain Hain
Surkhi Hai Aasmaan Ke Kinaron Par Is Liye
Aada-e-Deen Par Aaj Bhi Barham Husain Hain
Jaari Hai Har Yazeed Se Ab Bhi Muqabla
Haq Ki Dagar Par Sab Se Munazzam Husain Hain
Milta Hai Un Ke Dar Se Nai Zindagi Ka Josh
Azm-o-Yaqeen Ke Jalwa-e-Muhkam Husain Hain
Zikr-e-Husain, Quwwat-e-Muslim Ka Hai Sabab
Ta Hashr Ek Jur'at-e-Paiham Husain Hain
Naam-e-Yazeed, La'nat-o-Zillat Ka Ek Nishan
Charkh-e-Sharaf Ke Nayyir-e-Azam Husain Hain
Duniya Husainiyon Par Kare Laakh Bandishein
Har Karbala Mein Faiz Ke Zamzam Husain Hain
Mayusiyon Mein Ek Nai Quwwat Hai Un Ki Yaad
Ranj-o-Alam Mein Sabr Ke Marham Husain Hain
Hubb-e-Husain-e-Pak, Madar-e-Nijaat Hai
Yani Ke Aakhirat Mein Bhi Hamdam Husain Hain
Un Ki Dagar, Raza-e-Khuda Ka Hai Raasta
Tafseer-e "Lillati Hiya Aqwam" Husain Hain
Har Baab Lajawab Hai Un Ki Hayat Ka
Noor-e-Jamaal-e Sayyid-e-Aalam Husain Hain
Hasti Mein Kyun Na Sabr-o-Shuja'at Ke Rang Hon
Khoo-e-Ali-o-Zahra Ke Sangam Husain Hain
Is Maah Ko Bhi Nisbat-e-Shabbir Par Hai Naaz
Wajah-e-Waqar-e-Maah-e-Muharram Husain Hain
Hogi Na Kam Fareedi, Sana-e-Husainiyat
Fikr-o-Zabaan Par Sab Se Muqaddam Husain Hain
