Manqabat
ابوبکر تھے راز دارِ محمد ﷺ
Shah Abdul Qadir Badauni
بحر: Bahr-e-Mutaqarib Musamman Salim
ارکان: فَعُوْلُنْ فَعُوْلُنْ فَعُوْلُنْ فَعُوْلُنْ
ردیف: محمد ﷺ
قافیہ: راز دار، غم گسار، قرار، یارِ غار، پروردگار، شعار، مدار، جاں نثار، مزار، جوار
اردو متن
ابوبکر تھے راز دارِ محمد
ابوبکر تھے غم گسارِ محمد
کشش عشق کی دیکھ ان کی صدا سے
ہوا عرش پر بھی قرارِ محمد
یہ رتبہ کہاں دوسرے کا کہ ان کو
خدا نے کہا یارِ غارِ محمد
لکھوں کیا ثنا ان کی جب خود لکھے ہے
ثنا ان کی پروردگارِ محمد
نبی نے خلیل ان کو اپنا کیا ہے
زہے فخر خلعت شعارِ محمد
ابوبکر صدیق کے مشورے پر
مہمات میں تھا مدارِ محمد
سہی عشق حضرت میں کیا کیا مصیبت
ابوبکر تھے جاں نثارِ محمد
بہم تھے وہ دنیا میں یوں جیسے اب میں
مزار ان کا نزد مزارِ محمد
بقول نبی خلد میں بھی رہیں گے
مشرف بقرب و جوارِ محمد
Roman Urdu
Abu Bakr thay raaz dar-e Muhammad
Abu Bakr thay gham gusar-e Muhammad
Kashish ishq ki dekh un ki sada se
Hua arsh par bhi qarar-e Muhammad
Yeh rutba kahan doosre ka keh un ko
Khuda ne kaha yaar-e-ghaar-e Muhammad
Likhun kya sana un ki jab khud likhe hai
Sana un ki Parvardigar-e Muhammad
Nabi ne khaleel un ko apna kiya hai
Zahe fakhr-e-khil'at-sha'ar-e Muhammad
Abu Bakr-e-Siddiq ke mashware par
Muhimmat mein tha madar-e Muhammad
Sahi ishq-e-Hazrat mein kya kya musibat
Abu Bakr thay jaan nisar-e Muhammad
Baham thay woh dunya mein yun jaise ab hain
Mazar un ka nazd-e-mazar-e Muhammad
Ba-qaul-e-Nabi khuld mein bhi rahein ge
Musharraf ba-qurb-o-jawar-e Muhammad