Khuda Ka Fazl Hai Rahmat Hai Barhwein Tareekh
خدا کا فضل ہے رحمت ہے بارھویں تاریخ
ہمارے رب کی عنایت ہے بارھویں تاریخ
Khuda Ka Fazl Hai Rahmat Hai Barhwein Tareekh
Hamare Rab Ki Inayat Hai Barhwein Tareekh
جلیں وہ جن کے مقدر میں آگ لکھی ہے
ہمیں تو باعثِ رحمت ہے بارھویں تاریخ
Jalein Wo Jin Ke Muqaddar Mein Aag Likhi Hai
Hamein To Bais-e-Rahmat Hai Barhwein Tareekh
یہ روز و شب یہ مہ و سال جن کا صدقہ ہیں
انہیں کا یومِ ولادت ہے بارھویں تاریخ
Yeh Roz o Shab Yeh Mah o Saal Jin Ka Sadqa Hain
Inhein Ka Yaum-e-Wiladat Hai Barhwein Tareekh
وہ صبح جب کہ حبیب خدا ہوئے پیدا
اسی سحر کی علامت ہے بارھویں تاریخ
Wo Subh Jab Ke Habib-e-Khuda Hue Paida
Isi Sahar Ki Alamat Hai Barhwein Tareekh
خدا کے فضل سے ہم سنیوں کو پیاری ہے
سعادتوں کی ضمانت ہے بارھویں تاریخ
Khuda Ke Fazl Se Hum Sunniyon Ko Pyari Hai
Sadaton Ki Zamanat Hai Barhwein Tareekh
وہ رت جگے وہ نوافل، درود اور سلام
ہمارے پیروں کی سنّت ہے بارھویں تاریخ
Wo Rat Jage Wo Nawafil Durood Aur Salaam
Hamare Peeron Ki Sunnat Hai Barhwein Tareekh
ابو لہب کو سزا میں کمی ملے اس دن
ثبوتِ رتبہء نسبت ہے بارھویں تاریخ
Abu Lahab Ko Saza Mein Kami Mile Is Din
Saboot-e-Rutba-e-Nisbat Hai Barhwein Tareekh
شفیعِ روزِ جزا جن کا وصف اقدس ہے
انھیں کی شان کی شوکت ہے بارھویں تاریخ
Shafee-e-Roz-e-Jaza Jin Ka Wasf Aqdas Hai
Inhein Ki Shaan Ki Shaukat Hai Barhwein Tareekh
شبِ ولادتِ احمد کی صبح کیا کہیے
بہارِ فضل و فضیلت ہے بارھویں تاریخ
Shab-e-Wiladat-e-Ahmad Ki Subh Kya Kahiye
Bahaar-e-Fazl o Fazeelat Hai Barhwein Tareekh
ہمیں تو نظمی سکھایا یہی بزرگوں نے
کہ سنیوں کی سعادت ہے بارھویں تاریخ
Hamein To Nazmi Sikhaya Yahi Buzurgon Ne
Ke Sunniyon Ki Sadat Hai Barhwein Tareekh
یہ عید عیدوں سے بڑھ کر ہے باالیقیں نظمی
ہمارے قلب کی راحت ہے بارھویں تاریخ
Yeh Eid Eidon Se Barh Kar Hai Bil Yaqeen Nazmi
Hamare Qalb Ki Rahat Hai Barhwein Tareekh