Raaste Saaf Batate Hain Ke Aap ﷺ Aate Hain
راستے صاف بتاتے ہیں کہ آپﷺ آتے ہیں
لوگ محفل کو سجاتے ہیں کہ آپﷺ آتے ہیں
Raaste Saaf Batate Hain Ke Aap ﷺ Aate Hain
Log Mahfil Ko Sajate Hain Ke Aap ﷺ Aate Hain
اہلِ دل گیت یہ گاتے ہیں کہ آپﷺ آتے ہیں
آنکھ رہ رہ کے اُٹھاتے ہیں کہ آپﷺ آتے ہیں
Ahl-e-Dil Geet Yeh Gaate Hain Ke Aap ﷺ Aate Hain
Aankh Reh Reh Ke Uthate Hain Ke Aap ﷺ Aate Hain
کہکشاں، راہگزر، چاند، ستارے، ذرّے
سبِ چمک کر یہ دکھاتے ہیں کہ آپﷺ آتے ہیں
Kahkashan Rahguzar Chand Sitare Zarre
Sab Chamak Kar Yeh Dikhate Hain Ke Aap ﷺ Aate Hain
اپنے شہکار پہ خلّاقِ دو عالَم کو ہے ناز
انبیؑاء جُھومتے جاتے ہیں کہ آپﷺ آتے ہیں
Apne Shahkar Pe Khallaq-e-Do Aalam Ko Hai Naaz
Anbiya Jhoomte Jaate Hain Ke Aap ﷺ Aate Hain
اہلِ ایماں کے لبوں پر ہے دُرود اور سلام
یومِ میلاد مناتے ہیں کہ آپﷺ آتے ہیں
Ahl-e-Eimaan Ke Labon Par Hai Durood Aur Salaam
Yaum-e-Wiladat Manate Hain Ke Aap ﷺ Aate Hain
دل کو جلووں کی طلب، آنکھ کو طیبہ کی لگن
دیکھئے مجھ کو بُلاتے ہیں کہ آپﷺ آتے ہیں
Dil Ko Jalwon Ki Talab Aankh Ko Taiba Ki Lagan
Dekhiye Mujh Ko Bulate Hain Ke Aap ﷺ Aate Hain
اُن کی آمد کے پیامی ہیں صبا کے جھونکے
پھُول شاخوں کو ہلاتے ہیں کہ آپﷺ آتے ہیں
Un Ki Aamad Ke Payami Hain Saba Ke Jhonke
Phool Shaakhon Ko Hilate Hain Ke Aap ﷺ Aate Hain
بول بالا ہُوا حق کا تو بُتانِ باطل
خانۂ کعبہ سے جاتے ہیں کہ آپﷺ آتے ہیں
Bol Baala Hua Haq Ka To Butan-e-Baatil
Khana-e-Kaaba Se Jaate Hain Ke Aap ﷺ Aate Hain
رہگزر میں نظر آنے لگے ہر سُو جلوے
ذرّے رہ رہ کے بتاتے ہیں کہ آپﷺ آتے ہیں
Rahguzar Mein Nazar Aane Lage Har Su Jalwe
Zarre Reh Reh Ke Batate Hain Ke Aap ﷺ Aate Hain
مرحبا، صلِّ علیٰ کی ہیں صدائیں لب پر
لوگ صدقے ہوئے جاتے ہیں کہ آپﷺ آتے ہیں
Marhaba Salli Ala Ki Hain Sadain Lab Par
Log Sadqe Hue Jaate Hain Ke Aap ﷺ Aate Hain
اُن کے جلووں سے نِکھرنے لگی دل کی رونق
میری تقدیر جگاتے ہیں کہ آپﷺ آتے ہیں
Un Ke Jalwon Se Nikharne Lagi Dil Ki Raunaq
Meri Taqdeer Jagate Hain Ke Aap ﷺ Aate Hain
چاند تاروں میں نصیرؔ آج بڑی ہلچل ہے
یہی آثار بتاتے ہیں کہ آپﷺ آتے ہیں
Chand Sitaron Mein Naseer Aaj Badi Halchal Hai
Yahi Aasaar Batate Hain Ke Aap ﷺ Aate Hain