Naat
Raah-e-irfan se jo hum nadeeda ro mahram nahi
راہِ عرفاں سے جو ہم نادیدہ رو محرم نہیں
Urdu Kalam
مطلع
راہِ عرفاں سے جو ہم نادیدہ رو محرم نہیں
مصطفٰے ہے مَسندِ ارشاد پر کچھ غم نہیں
ہُوں مسلماں گرچہ ناقِص ہی سہی اے کامِلو!
ماہیت پانی کی آخر یَم سے نَم میں کم نہیں
غنچے مَا اَوْحٰی کے جو چٹکے دَنٰی کے باغ میں
بلبلِ سدرہ تک اُن کی بُو سے بھی محرم نہیں
اُس میں زم زم ہے کہ تھم تھم اس میں جم جم ہے کہ بیش
کثرتِ کوثر میں زم زم کی طرح کم کم نہیں
پنجۂ مہر عرب ہے جس سے دریا بہہ گئے
چشمۂ خورشید میں تو نام کو بھی نم نہیں
ایسا اُمّی کس لئے منت کشِ اُستاد ہو
کیا کفایت اس کو اِقْرَأ رَبُّکَ الْاَکْرَمْ نہیں
اَوس مہرِ حَشْر پر پڑ جائے پیاسو تو سہی
اُس گلِ خنداں کا رونا گریۂ شبنم نہیں
ہے اُنھیں کے دم قدم کی باغِ عالم میں بہار
وہ نہ تھے عالم نہ تھا گر وہ نہ ہوں عالَم نہیں
مقطع
سایۂ دیوار و خاکِ دَر ہو یاربّ اور رضاؔ
خواہشِ دَیْہِیْمِ قیصر، شوقِ تخت جم نہیں
Kalam Details
Bahr
Bahr-e-Ramal
Radif
ں
Total Ashaar
9
Total Misra
18
Writer
Aala Hazrat Imam Ahmed Raza Khan
Book
Hadaiq-e-Bakhshish