Hamd
Gunahgaron ko hatif se naveed-e-khush ma-aali hai
گنہ گاروں کو ہا ِتف سے نوید خوش مآلی ہے
Urdu Kalam
مطلع
گنہ گاروں کو ہاتِف سے نوید خوش مآلی ہے
مُبارک ہو شفاعت کے لئے احمد سا والی ہے
قضا حق ہے مگر اس شوق کا اللہ والی ہے
جو اُن کی راہ میں جائے وہ جان اللہ والی ہے
تِرا قدِّ مبارک گلبنِ رحمت کی ڈالی ہے
اسے بو کر ترے ربّ نے بِنا رحمت کی ڈالی ہے
تمہاری شرم سے شانِ جلال حق ٹپکتی ہے
خمِ گردن ہلالِ آسمانِ ذُوالجلالی ہے
زہے خود گم جو گم ہونے پہ یہ ڈھونڈے کہ کیا پایا
ارے جب تک کہ پانا ہے جبھی تک ہاتھ خالی ہے
میں اِک محتاج بے وقعت گدا تیرے سگِ در کا
تری سرکار والا ہے تِرا دربار عالی ہے
تِری بخشِش پَسندی، عُذر جوئی، توبہ خواہی سے
عمومِ بے گناہی، جرم شانِ لا اُبالی ہے
ابو بکر و عمر عثمان و حیدر جس کے بلبل ہیں
تِرا سروِ سہی اس گُلْبُنِ خوبی کی ڈالی ہے
مقطع
رضاؔ قِسمت ہی کُھل جائے جو گیلاں سے خطاب آئے
کہ تُو اَدنیٰ سگِ دَرگاہِ خُدَّامِ مَعالی ہے
Kalam Details
Bahr
Bahr-e-Ramal Musamman Mahzuf
Radif
ے
Total Ashaar
9
Total Misra
18
Writer
Aala Hazrat Imam Ahmed Raza Khan
Book
Hadaiq-e-Bakhshish
Category
Hamd