Naat
Zarray jhar kar teri pezaron ke
ذرّے جھڑ کر تری پیزاروں کے
Urdu Kalam
مطلع
ذرّے جھڑ کر تری پیزاروں کے
تاجِ سر بنتے ہیں سَیّاروں کے
ہم سے چوروں پہ جو فرمائیں کرم
خِلْعَتِ زر بنیں پُشتاروں کے
میرے آقا کا وہ در ہے جس پر
ماتھے گھس جاتے ہیں سرداروں کے
میرے عیسیٰ تِرے صدقے جاؤں
طور بے طور ہیں بیماروں کے
مجرمو ! چشمِ تبسم رکھو
پھول بن جاتے ہیں انگاروں کے
تیرے اَبرو کے تَصَدُّق پیارے
بند کرّے ہیں گرفتاروں کے
جان و دل تیرے قدم پر وارے
کیا نصیبے ہیں ترے یاروں کے
صِدق و عَدل و کرم و ہمّت میں
چار سو شُہرے ہیں اِن چاروں کے
بہرِ تَسلیمِ علی میداں میں
سر جھکے رہتے ہیں تلواروں کے
مقطع
کیسے آقاؤں کا بندہ ہوں رضاؔ
بول بالے مِری سرکاروں کے
Kalam Details
Bahr
Bahr-e-Ramal
Radif
ے
Total Ashaar
10
Total Misra
20
Writer
Aala Hazrat Imam Ahmed Raza Khan
Book
Hadaiq-e-Bakhshish
Category
Naat
Topics
Rasool-e-Kareem