Mustafa Jaan-e-Rahmat

اس مطلع میں اعلیٰ حضرت امام احمد رضا خان رحمۃ اللہ علیہ، نبی کریم ﷺ کی بارگاہِ اقدس میں ہدیہ درود و سلام پیش کرتے ہوئے فرماتے ہیں کہ اے وہ ذات جو سرتاپا رحمت ہیں، آپ کی ذات پر لاکھوں سلام ہوں۔ آپ ﷺ کی ذاتِ بابرکات ہدایت کی اس محفل کی شمع کے مانند ہے جس سے دنیا کے اندھیرے دور ہوتے ہیں، اس شمعِ ہدایت پر کروڑوں سلام ہوں۔

اس شعر میں آپ ﷺ کو جنت (ارم) کا بادشاہ اور حرمین شریفین کا تاجدار قرار دیا گیا ہے۔ اعلیٰ حضرت فرماتے ہیں کہ روزِ محشر جب شفاعت کا دروازہ کھلے گا تو وہ آپ ﷺ کی ذات سے منسوب ہوگا، اس شفاعت کی نوبہار پر ہمارے لاکھوں سلام قبول ہوں۔