Hamd
Tooba Mein Jo Sab Se Oonchi Nazuk Seedhi Nikli Shaakh
طُوبیٰ میں جو سب سے اُونچی نازُک سیدھی نکلی شاخ
Urdu Kalam
مطلع
طوبے میں جو سب سے اُونچی نازُک سیدھی نکلی شاخ
مانگوں نعت نبی لکھنے کو روحِ قُدس سے ایسی شاخ
مولیٰ گُلْبُن، رحمت زہر ا،سِبْطَیناس کی کلیاں پُھول
صدّیق وفاروق و عثماں ، حیدر ہر اِک اُس کی شاخ
شاخِ قامت شہ میں زلف و چشم و رخسار و لب ہیں
سُنْبُل، نرگس، گُل، پنکھڑیاں قُدرت کی کیا پھولی شاخ
اپنے اِن باغوں کا صدقہ وہ رحمت کا پانی دے
جس سے نخلِ دل میں ہو پیدا پیارے تیری وِلا کی شاخ
یادِ رُخ میں آہیں کر کے بن میں میں رویا آئی بہار
جُھومیں نسیمیں ،نیساں برسا، کلیاں چٹکیں ، مہکی شاخ
ظاہر و باطن اَوّل و آخر زیب فروع و زَین اُصول
باغِ رسالت میں ہے تُو ہی گل،غنچہ، جڑ،پتّی شاخ
مقطع
آلِ احمد خُذْ بیَدِیْ یا سَیّد حمزہ کن مَددی
وقت خزانِ عمر رضاؔ ہو برگِ ہدیٰ سے نہ عارِی شاخ
Kalam Details
Bahr
Bahr-e-Ramal Musamman Mahzoof
Radif
خ
Total Ashaar
7
Total Misra
14
Writer
Aala Hazrat Imam Ahmed Raza Khan
Book
Hadaiq-e-Bakhshish
Category
Hamd
Topics
Rasool-e-Kareem
Sahaba-e-Kiram