Hamd
Tumhare zarre ke partau sitaraha-e-falak
تمہارے ذرّے کے پر تو ستار ہائے فلک
Urdu Kalam
مطلع
تمہارے ذَرِّے کے پر تو ستارہائے فلک
تمہارے نعل کی ناقِص مِثل ضیائے فلک
اگرچہ چھالے ستاروں سے پڑ گئے لاکھوں
مگر تمہاری طلب میں تھکے نہ پائے فلک
سرِ فلک نہ کبھی تابہ آستاں پہنچا
کہ اِبتدائے بُلندی تھی اِنتہائے فلک
یہ مٹ کے ان کی رَوِش پر ہوا خود اُن کی رَوِش
کہ نقشِ پا ہے زَمیں پر نہ صَوْتِ پائے فلک
تمہاری یاد میں گزری تھی جاگتے شب بھر
چلی نسیم، ہوئے بند دِیدہائے فلک
نہ جاگ اُٹھیں کہیں اہلِ بقیع کچی نیند
چلا یہ نرم نہ نِکلی صَدائے پائے فلک
یہ اُن کے جلوہ نے کیں گرمیاں شبِ اسرا
کہ جب سے چرخ میں ہیں نقرہ و طلائے فلک
مِرے غنی نے جواہر سے بھر دِیا دامن
گیا جو کاسۂ مہ لے کے شب گدائے فلک
رہا جو قانعِ یک نانِ سوختہ دن بھَر
مِلی حضور سے کانِ گہر جزائے فلک
تجمل شبِ اسرا ابھی سمٹ نہ چکا
کہ جب سے ویسی ہی کوتل ہیں سبز ہائے فلک
خطابِ حق بھی ہے دربابِ خلق مِنْ اَجَلِکْ
اگر ادھر سے دمِ حمد ہے صدائے فلک
یہ اہلِ بیَت کی چکی سے چال سیکھی ہے
رواں ہے بے مددِ دست آسیائے فلک
مقطع
رضاؔ یہ نعتِ نبی نے بُلندیاں بخشیں
لقب ’’زمینِ فلک‘‘ کا ہوا سمائے فلک
Kalam Details
Bahr
Bahr-e-Hazaj Musamman Salim
Radif
ک
Total Ashaar
13
Total Misra
26
Writer
Aala Hazrat Imam Ahmed Raza Khan
Book
Hadaiq-e-Bakhshish
Category
Hamd
Topics
Ahl-e-Bait
Allah
Rasool-e-Kareem