Hamd
Momin woh hai jo un ki izzat pe marey dil se
مومن وہ ہے جو اُن کی عزّت پہ مَرے دِل سے
Urdu Kalam
مطلع
مومن وہ ہے جو اُن کی عزّت پہ مَرے دِل سے
تعظیم بھی کرتا ہے نجدی تو مَرے دل سے
واللہ وہ سُن لیں گے فریاد کو پہنچیں گے
اِتنا بھی تو ہو کوئی جو آہ کرے دل سے
بچھڑی ہے گلی کیسی بگڑی ہے بنی کیسی
پوچھو کوئی یہ صَدمہ ارمان بھرے دل سے
کیا اس کو گِرائے دہر جس پَر تُو نظر رکھے
خاک اُس کو اٹھائے حشر جو تیرے گرے دل سے
بہکا ہے کہاں مجنوں لے ڈالی بنوں کی خاک
دم بھر نہ کیا خیمہ لیلیٰ نے پَرے دل سے
سونے کو تپائیں جب کچھ مِیل ہو یا کچھ مَیل
کیا کام جہنم کے دَھرے کو کھرے دل سے
آتا ہے درِ والا یُوں ذوقِ طواف آنا
دل جان سے صدقے ہو سر گرِد پھرے دل سے
اے ابرِ کرم فریاد فریاد جَلا ڈالا
اس سوزشِ غم کو ہے ضِد میرے ہرے دل سے
دریا ہے چڑھا تیرا کتنی ہی اڑائیں خاک
اُتریں گے کہاں مجرم اے عفو ترے دل سے
کیا جانیں یِم غم میں دِل ڈُوب گیا کیسا
کِس تہ کو گئے ارماں اب تک نہ تِرے دل سے
مقطع
کرتا تو ہے یاد اُن کی غفلت کو ذرا روکے
لِلّٰہ رضا ؔ دل سے ہاں دل سے ارے دل سے
Kalam Details
Bahr
Bahr-e-Ramal Musamman Mahzoof
Radif
ے
Total Ashaar
11
Total Misra
22
Writer
Aala Hazrat Imam Ahmed Raza Khan
Book
Hadaiq-e-Bakhshish
Category
Hamd
Topics
Allah
Dua-o-Munajat
Tauba-o-Bakhshish