Kis Ke Jalwe Ki Jhalak Hai Yeh Ujala Kya Hai

Maang Man Maantee Munh Maangi Muradein Le Ga
Na Yahan ’’na‘‘ Hai Na Mangta Se Yeh Kehna ’’kya Hai‘‘

Pand Karwee Lage Naaseh Se Tursh Hawaae Nafs
Zehar-e-isyan Mein Sitamgar Tujhe Meetha Kya Hai

Hum Hain Un Ke Woh Hain Tere To Hue Hum Tere
Is Se Barh Kar Teri Simt Aur Waseela Kya Hai

Un Ki Ummat Mein Banaya Unhien Rahmat Bheja
Yun Na Farma Ke Tera Raham Mein Daawa Kya Hai

Sadqa Pyaare Ki Haya Ka Ke Na Le Mujh Se Hisaab
Bakhsh Be Poochhe Lajaae Ko Lajaanaa Kya Hai

Zahid Un Ka Mein Gunah Gar Woh Mere Shafe
Itni Nisbat Mujhe Kya Kam Hai To Samjha Kya Hai

Q: Be Basi Ho Jo Mujhe Pursish-e-aamal Ke Waqt
Dosto! Kya Kahun Us Waqt Tamanna Kya Hai

Kaash Faryaad Meri Sun Ke Yeh Farmain Huzoor
Han Koi Dekho Yeh Kya Shor Hai Ghaughaa Kya Hai

Kaun Aafat Zada Hai Kis Pe Bala Tooti Hai
Kis Museebat Mein Giraftaar Hai Sadma Kya Hai

Kis Se Kehta Hai Ke Lillah Khabar Leeje Meri
Kyun Hai Be Taab-e- Yeh Be Chainee Ka Rona Kya Hai

Is Ki Be Chainee Se Hai Khatir-e-Aqdas Pe Malaal
Be Kisi Kaisi Hai Poocho Koi Guzraa Kya Hai

Yun Malaik Karein Maarooz Ke Ek Mujrim Hai
Is Se Pursish Hai Batao Tone Kya Kya Kya Hai

Saamnaa Qahr Ka Hai Daftar-e-aamal Hain Pesh
Dar Raha Hai Ke Khuda Hukm Sunata Kya Hai

Aap Se Kurta Hai Faryaad Ke Ya Shah-e-Rusul
Banda-e-be Kis Hai Shaha Raham Mein Waqfa Kya Hai

Ab Koi Dam Mein Giraftaar-e-Bala Hota Hoon
Aap Aajaaen To Kya Khauf Hai Khatka Kya Hai

Sun Ke Yeh Arz Meri Bahr Karam Josh Mein Aaye
Yun Malaik Ko Ho Irshad Thahranaa Kya Hai

Kis Ko Tum Morid-e-aafaat Kya Chahte Ho!
Hum Bhi To Aa Ke Zara Dekhein Tamasha Kya Hai

Un Ki Aawaz Pe Kar Uthoon Mein Be Saakhta Shor
Aur Tarap Kar Yeh Kahun Ab Mujhe Parwaa Kya Hai

Lo Woh Aaya Mera Haami Mera Gham Khwaar-e-umam!
Aa Gayi Jaan Tan-e-be Jaan Mein Yeh Aana Kya Hai

Phir Mujhe Daaman-e-Aqdas Mein Chupa Lein Sarwar
Aur Farmain Hato Is Pe Taqaza Kya Hai

Banda-e-azad Shuda Hai Yeh Hamare Dar Ka
Kaisa Letay Ho Hisaab Is Pe Tumhara Kya Hai

Chhor Kar Mujh Ko Farishtay Kahein Mahkoom Hain Hum
Hukm-e-wala Ki Na Taameel Ho Zohra Kya Hai

Yeh Samaan Dekh Ke Mahshar Mein Uthe Shor Ke Wah
Chashm-e-bad Door Ho Kya Shaan Hai Rutba-e- Kya Hai

Sadqe Is Raham Ke Is Saya-e-daaman Pe Nisaar
Apne Bande Ko Museebat Se Bachaayaa Kya Hai

Ae Raza! Jaan-e-anaadil Tere Naghmon Ke Nisaar
Bulbul-e-baagh-e-Madina Tera Kehna Kya Hai