Josh Mein Aa Gayi Rahmat-e-Kibriya
جوش میں آگئ رحمت کبریا
Josh Mein Aa Gayi Rahmat-e-Kibriya Hum Ghareebon Ke Haajat Rawa Aa Gaye
Gham Ke Maaron Ke Gham Door Hone Lage Shor Utha Ke Mushkil Kusha Aa Gaye
Husn Par Jin Ke Nazaan Hai Shaan-e-Khuda Jinke Naqsh-e-Qadam Par Do Aalam Fida
Hain Jo Maqsood-e-Khalq Aur Matloob-e-Haq Marhaba Wo Habib-e-Khuda Aa Gaye
Abr-e-Rahmat Musalsal Barasne Laga Dil Ke Pazhmurda Ghunche Mahakne Lage
Moonis-e-Baikasaan Haadi-e-Gumrahan Kashti-e-Nooh Ke Naakhuda Aa Gaye
Be Nishanon Ko Apne Nishan Mil Gaye Naamaradon Ko Donon Jahan Mil Gaye
Kuntu Kanzan Ka Khalwat Kadah Chhod Kar Bazm-e-Hasti Mein Khair al-Wara Aa Gaye
Aftab-e-Risalat Darakhshan Hua Door Duniya Se Saara Andhera Hua
Zikr Se Un Ke Dil Jagmagane Laga Le Ke Anwaar Noor al-Huda Aa Gaye
Hum Gnahgaar Jaate To Jaate Kahan Mil Gayi Ae Khosha Unke Dar Par Amaan
Faiz o Bakhshish Ke Dar Khul Gaye Har Taraf Ho Mubarak Shafee al-Wara Aa Gaye
Kaun Hai Is Qadr Muhtaram Dekhiye Allah Allah Yeh Husn-e-Karam Dekhiye
Sharm Se Badshahiti Ki Gardan Jhuki Samne Jab Bhi Unke Gada Aa Gaye
Meri Mushkil Mein Mushkil Kushai Hui Meri Ranj o Mahan Se Raihaee Hui
Aalam-e-Yaas Mein Jab Pukara Unhien Meri Imdaad Ko Mustafa Aa Gaye
Main Sarapa Khata Wo Sarapa Ata Main Gnahgaar Hoon Wo Shafee al-Wara
Khaled Be Nawa Bakht Ya War Hua Bakhshwane Shah-e-Doosra Aa Gaye