Jashn-e-Aamad-e-Rasool Allah Hi Allah

Jab Ke Sarkar Tashreef Laane Lage
Hooron Ghulman Bhi Khushiyan Manane Lage

Har Taraf Noor Ki Roshni Chha Gayi
Mustafa Kya Mili Zindagi Mil Gayi

Ae Haleema Teri Gaud Mein Aa Gaye
Donon Aalam Ke Rasool

Chehra-e-Mustafa Jab Dikha Ya Gaya
Jhuk Gaye Tare Aur Chand Sharma Gaya

Aamina Dekh Kar Muskurane Lagin
Hawwa Maryam Bhi Khushiyan Manane Lagin

Aamina Bi Bi Sab Se Kahne Lagin
Dua Ho Gayi Qabool Allah Hi Allah

Shadiyane Khushi Ke Bajaye Gaye
Shadi Ke Naghme Sab Ko Sunaye Gaye

Har Taraf Shor-e-Salli Ala Ho Gaya
Aaj Paida Habib-e-Khuda Ho Gaya

To Jabreel Ne Bhi Yeh Elaan Kiya
Yeh Khuda Ke Hain Rasool Allah Hi Allah

Noor Ki Tan Gayin Chaadrein Chaar Su
Hooron Ghulman Ki Poori Hui Aarzoo

Mustafa Mujtaba Shah-e-Kaun o Makan
Rab Ki Sarkar Jab Ho Gaye Ro Buro

Phir Khuda Ne Kaha Mere Mahboob Tum
Ho Rasoolon Ke Rasool Allah Hi Allah

Farsh Se Arsh Tak Noor Ka Hai Samaa
Laaye Shareef Duniya Mein Khair al-Wara

Aise Ummat Ki Qismat Sanwarne Lagi
Baarishein Rahmaton Ki Barasne Lagin

Ae Haleema Teri Loriyon Ke Liye
Rab Ke Aa Gaye Rasool Allah Hi Allah

Un Ka Saya Zameen Par Na Paya Gaya
Noor Se Noor Dekho Juda Na Hua

Hum Ko Aabid Nabi Par Bada Naaz Hai
Kya Bhala Mere Aaqa Ka Andaaz Hai