Sikka-e-Haq Chalane Huzoor Aa Gaye

Khatam Adwaar Tasleet o Kasrat Hue
Rang-e-Wahdat Jamane Huzoor Aa Gaye

Masiyat Ke Azaab-e-Alamnaak Se
Aadmi Ko Chharane Huzoor Aa Gaye

Sar Sar-e-Gham Ne Murjha Diya Tha Jinhein
Aisi Kaliyan Khila Ne Huzoor Aa Gaye

Be Kason Par Khulein Baab-e-Lutf o Karam
Laal o Gohar Lutane Huzoor Aa Gaye

Jo Farozan Rahein Ge Rah-e-Zeest Mein
Aisi Shamaein Jalane Huzoor Aa Gaye