Farishton Mein Hai Hangama Rasool-e-Paak Aate Hain

Sitaron Se Kaho Aankhein Bichain Un Ki Aamad Hai
Malaik Jin Ke Dar Par Jhaarne Ko Khaak Aate Hain

Talab Maashooq Ki Aashiq Ne Ki Hai Bhej Kar Khilat
Liye Jabreel Sar Par Aap Ki Poshaak Aate Hain

Qadam Lein Daur Kar Qudsi To Hassil Ho Sar Afrazi
Sharaf Jin Se Zameen Ko Tha Sar-e-Aflak Aate Hain

Woh Aate Hain Ke Jin Ki Nargisi Aankhon Ke Sodaai
Pay Taskeen-e-Dil Hooron Ko Ja Kar Taak Aate Hain

Ajab Rangin Nishat Afza Chaman Hai Husn-e-Hazrat Ka
Ke Hans Parte Hue Jo Rote Hue Ghamnaak Aate Hain

Hai Aamad Aamad Un Ki Jin Ke Sodaai Mohabbat Mein
Adam Su-e-Hasti Gul-e-Gireban Chaak Aate Hain

Utha Kar Ungliyan Kahti Hain Maujein Bahr-e-Rahmat Ki
Ke Dariya-e-Risalat Ke Bade Peeraak Aate Hain