Naat
Hamesha Josh Par Bahr-e-karam Hai Mere Khwaja Ka
ہمیشہ جوش پر بحرِ کرم ہے میرے خواجہ کا
Urdu Kalam
مطلع
ہمیشہ جوش پر بحرِ کرم ہے میرے خواجہ کا
زمانہ بندۂ جود و نعم ہے میرے خواجہ کا
نچھاور ہے متاعِ دوجہاں اس دل کی قیمت پر
کہ نامِ پاک جس دل پر رقم ہے میرے خواجہ کا
منور ہند کا ظلمت کدہ خواجہ کے دم سے ہے
دیارِ ہند ممنونِ کرم ہے میرے خواجہ کا
نوازش ہے کہ دریا بہہ رہا ہے فیض ورحمت کا
زمانے پر سدا لطفِ اتم ہے میرے خواجہ کا
نگوں ہوکر رہا ہر ایک کا پرچم زمانے میں
بلندی پر نصب اب تک ہے پرچم میرے خواجہ کا
ہزاروں پرچمِ شوکت اڑے اور مٹ گئے آخر
بلندی پر نصب اب تک ہے پرچم میرے خواجہ کا
درِ اقدس کا ہر ذرّہ غبارِ طورِ سینا ہے
دل ِ روشن گزر گاہِ حرم ہے میرے خواجہ کا
ہزاروں قافلے عرفان کی منزل پہ جا پہنچے
چراغِ رہ گذر نقشِ قدم ہے میرے خواجہ کا
سلاطینِ جہاں بھی سنگِ در کی خاک ملتے ہیں
تعالیٰ اللہ وہ جاہ وحشم ہے میرے خواجہ کا
مقطع
کہاں سے آرہی ہے حشر میں آواز ارؔشد کی
گنہگارو چلو باغِ ارم ہے میرے خواجہ کا
Kalam Details
Bahr
Bahr-e-Hazaj Musamman Maqbooz
Arkaan
مفاعلن مفاعلن مفاعلن مفاعلن
Radif
میرے خواجہ کا
Zameen
بحر: ہزج مثمن مقبوض؛ ردیف: میرے خواجہ کا
Sanf
نعت
Script
Urdu
Total Misra
20
Writer
Allama Arshad Al-Qadri
Book
Izhar-e-Aqeedat