Naat
Is Aftab Rukh Se Agar Hoon Do Chaar Phool
اس آفتاب رخ سے اگر ہوں دو چار پھول
Urdu Kalam
مطلع
اس آفتاب رخ سے اگر ہوں دو چار پھول
حربا ہوں رنگ بدلیں ابھی بار بار پھول
دامن میں ہیں لیے ہوے بہر نثار شاہ
شبنم سے سینکروں گہر آبدار پھول
صیقل گر چمن ہو جو اس کی ہوائے لطف
پھر بلبلوں سے دل میں نہ رکھیں غبار پھول
اللہ ری لطافت تن جس سے مانگ کر
پہنے ہوئے ہیں پیرہن مستعار پھول
دستار پر اگر وہ گل کفش طرہ ہو
خورشید آسمان پہ کریں افتخار پھول
اللہ نے دیا ہے یہ اس کو جمال پاک
سنبل فدا ہے زلف پہ رخ پر نثار پھول
اللہ کیا دہن ہے کہ باتیں ہیں معجزہ
ہوتے ہیں ایک غنچہ سے پیدا ہزار پھول
وہ چہرہ وہ دہن کہ فدا جن پہ کیجئے
ستر ہزار غنچے بہتر زار پھول
امت کا بوجھ پشت پہ اپنے اٹھا لیا
طاقت کی بات ہے کہ بنا کو ہسا ر پھول
یہ فیض تھا اسی کا کہ حق میں خلیل کے
اخگر ہوئے تمام دم اضطرار پھول
ادنی یہ معجزہ تھا کہ اک چوب خشک میں
پتے لگے ہزار پھل آئے ہزار پھول
یا شاہ دیں ہیں تیری عنایت سے فیضیاب
جتنے ہیں رونق چمن روزگار پھول
امت پہ وقف باغ شفاعت ہے آپ کا
مجھ کو بھی اس چمن سے عنایت ہوں چار پھول
غنچے کی طرح آپ کے دشمن گرفتہ دل
خنداں ہو دوست جیسے کہ روز بہار پھول
وقت دعا ہے ہاتھ دعا کو اٹھا امیر
جب تک کھلیں چمن میں سر شاخسار پھول
مقطع
کلام:
امیر مینائ
Kalam Details
Bahr
Bahr-e-Muzare Musamman Akhrab Makfoof Mahzoof
Arkaan
مفعول فاعلاتُ مفاعیل فاعلن
Radif
پھول
Zameen
بحر: مضارع مثمن اخرب مکفوف محذوف؛ ردیف: پھول
Sanf
نعت
Script
Urdu
Total Misra
32
Writer
Ameer Minai
Book
Ghair Matboo Kalam - Ameer Minai