Naat
Laayi Saba Payam-e-shahenshah-e-doosra
لائی صبا پیامِ شہنشاہِ دوسراﷺ
Urdu Kalam
مطلع
لائی صبا پیامِ شہنشاہِ دوسراﷺ
ساقی پِلا بہ نامِ شہنشاہِ دوسراﷺ
وحیِ خدا، کلامِ شہنشاہِ دوسراﷺ
آئینِ حق، نظامِ شہنشاہِ دوسراﷺ
یہ أوج و احترامِ شہنشاہِ دوسراﷺ
قربِ خدا مقامِ شہنشاہِ دوسراﷺ
لاریب ابرِ رحمتِ پروردگار ہے
زلفِ سیاہ فامِ شہنشاہِ دوسراﷺ
اللہ کا غنی ہے شہِ دیں کا ہر گدا
سلطاں ہے ہر غلامِ شہنشاہِ دوسراﷺ
حاصل ہے یادِ شہ سے مجھے قربِ مستقل
اے فرقتِ دوامِ شہنشاہِ دوسراﷺ
وَالفَجر بن گئے کہیں وَاللَّیل ہوگئے
انوارِ صبح و شامِ شہنشاہِ دوسراﷺ
کام و دہن ہیں ساغرِ رحمت سے ہمکنار
ہے میرے لب پہ نامِ شہنشاہِ دوسراﷺ
عنوانِ لوحِ مصحفِ اَسرےٰ بِعَبْدہٖ
طرزِ سبک خرامِ شہنشاہِ دوسراﷺ
مقطع
مشہور ہے بہارِ عقیدت کے نام سے
اختؔر مِرا سلامِ شہنشاہِ دوسراﷺ
Kalam Details
Bahr
Bahr-e-Muzare Musamman Akhrab Makfoof Mahzoof
Arkaan
مفعول فاعلاتُ مفاعیل فاعلن
Radif
شہنشاہ دوسرا
Zameen
بحر: مضارع مثمن اخرب مکفوف محذوف؛ ردیف: شہنشاہ دوسرا
Sanf
نعت
Script
Urdu
Total Misra
20
Writer
Syed Marghoob Akhtar Al-Hamidi
Book
Naat Mahal