Naat
Jahan Jaun Wahan Noor Hidayat Ho To Kya Kehna
جہاں جاؤں وہاں نور ہدایت ہو تو کیا کہنا
Urdu Kalam
مطلع
جہاں جاؤں وہاں نور ہدایت ہو تو کیا کہنا
تصور میں رخ پاک رسالت ہو تو کیا کہنا
گھٹا چھائی فضا ٹھنڈی، ہوا محو نوا سنجی
اب ایسے میں اگر ان کی زیارت ہو تو کیا کہنا
مہک اٹھے ہیں میرے بوستان دل کے گل بوٹے
مرے سرکارﷺ آنے کی عنایت ہو تو کیا کہنا
یہاں عقدہ کشائی ہے وہاں رمز آشنائی ہے
یہ جلوت ہو تو کیا کہنا وہ خلوت ہو تو کیا کہنا
وہی دل ہاں وہی یعنی اسیر کاکل مشکیں
مرے آقاﷺ ترا دارالحکومت ہو تو کیا کہنا
نہ آئے یاد کچھ بھی ماسوائے گنبد خضریٰ
مجھے سارے جہاں سے ایسی غفلت ہو تو کیا کہنا
مقطع
سبق دیتی ہے اے اخؔتر یہی شانِ اُویسانہ
شہید نرگس رعنائے فرقت ہو تو کیا کہنا
Kalam Details
Bahr
Bahr-e-Hazaj Murabba Mahzoof Muzaaf
Arkaan
مفاعیلن فعولن مفاعیلن فعولن
Radif
ہو تو کیا کہنا
Zameen
بحر: ہزج مربع محذوف مضاعف؛ ردیف: ہو تو کیا کہنا
Sanf
نعت
Script
Urdu
Total Misra
14
Writer
Huzoor Syed Muhammad Madani Ashrafi Jilani
Book
Tajalliyat-e-Sukhan