Naat
Kis Qadr Haseen Hum Ne Matma-e-nazar Paya
کِس قدر حسِیں ہم نے مطمحِ نظر پایا
Urdu Kalam
مطلع
کِس قدر حسِیں ہم نے مطمحِ نظر پایا
جس طرف نظر اُٹھی تم کو جلوہ گر پایا
یادِ زلف و عارض کا لطف رات بَھر پایا
بخت کے اندھیرے میں نور تا سحر پایا
اِک مقامِ رفعت ہے خاص ہر پیمبر کا
ہے بلند تر سب سے آپﷺ کا مگر پایا
آگ اور پانی کا ارتباط تو دیکھو
شمع دل کی جب بھڑکی آنکھ کو بھی تَر پایا
سر زمینِ کعبہ پر سر جہاں جہاں رکھّا
تیری خاک پا پائی تیرا سنگِ در پایا
ہے وجودِ باری پر ذاتِ شاہِ والا کا
معتبر دلائل میں معتبر پایا
دردِ دل نے اُٹھ اُٹھ کر اپنی ہی بلائیں لیں
جب طبیبِ طیبہ کو اپنا چارہ گر پایا
ھَلْ اَتٰی تِرا رتبہ، قربِ حق تِری منزل
عرش سربسجدہ ہے تیرا دیکھ کر پایا
دور رہ کے آقاﷺ سے کیا مزہ ہے جینے کا
اب تو ایسے جینے سے یہ غلام بَھر پایا
اور دیکھتے جلوے اُن کی شانِ رحمت کے
کیا کریں قیامت کا دن ہی مختصر پایا
مقطع
مدحتِ شہِ دیں کا یہ صِلہ ہے اے اختؔر
فیضِ کعب و حسّان کا نعت میں اثر پایا
Kalam Details
Bahr
Bahr-e-Hazaj Musamman Ashtar
Arkaan
فاعلن مفاعیلن فاعلن مفاعیلن
Radif
پایا
Zameen
بحر: ہزج مثمن اشتر؛ ردیف: پایا
Sanf
نعت
Script
Urdu
Total Misra
22
Writer
Syed Marghoob Akhtar Al-Hamidi
Book
Naat Mahal