Naat
Muzda Baad Ae Aasiyo! Shafe Shah-e-ho Hai
مژدہ باد اے عاصیو! شافع شہِ ابرار ہے
Urdu Kalam
مطلع
مژدہ باد اے عاصیو! شافع شہِ ابرار ہے
تہنیت اے مجرمو! ذاتِ خدا غفّار ہے
عرش سا فرشِ زمیں ہے فرشِ پا عرشِ بریں
کیا نرالی طرز کی نامِ خُدا رفتار ہے
چاند شق ہو پیڑ بولیں جانور سجدے کریں
بَارَکَ اللہ مرجعِ عالَم یہی سرکار ہے
جن کو سوئے آسماں پھیلا کے جل تھل بھر دیے
صدقہ اُن ہاتھوں کا پیارے ہم کو بھی درکار ہے
لب زلالِ چشمۂ کُن میں گندھے وقتِ خمیر
مُردے زندہ کرنا اے جاں تم کو کیا دشوار ہے
گورے گورے پاؤں چمکا دو خدا کے واسطے
نور کا تڑکا ہو پیارے گور کی شب تار ہے
تیرے ہی دامن پہ ہر عاصی کی پڑتی ہے نظر
ایک جانِ بے خطا پر دو جہاں کا بار ہے
جوشِ طوفاں بحرِ بے پایاں ہَوا ناساز گار
نوح کے مولیٰ کرم کر لے تو بیڑا پار ہے
رحمۃُ لّلعالمیں تیری دہائی دب گیا
اب تو مولیٰ بے طرح سر پر گنہ کا بار ہے
حیرتیں ہیں آئینہ دارِ وُفورِ وصفِ گُل
اُن کے بلبل کی خموشی بھی لبِ اظہار ہے
گونج گونج اٹھے ہیں نغماتِ رضؔا سے بوستاں
کیوں نہ ہو کس پھول کی مدحت میں وا منقار ہے
مقطع
حدائقِ بخشش
Kalam Details
Bahr
Bahr-e-Muqtazab Musamman Salim
Arkaan
مفعولاتُ مستفعلن مفعولاتُ مستفعلن
Radif
ہے
Zameen
بحر: مقتضب مثمن سالم؛ ردیف: ہے
Sanf
نعت
Script
Urdu
Total Misra
23
Writer
Aala Hazrat Imam Ahmad Raza Khan
Book
Hadaiq-e-Bakhshish