Naat
Wasf Kya Likhay Koi Is Muhbat Anwaar Ka
وصف کیا لکھے کوئی اس مہبط انوار کا
Urdu Kalam
مطلع
مخزنِ انوار
وصف کیا لکھے کوئی اس مہبط انوار کا
مہرومہ میں جلوہ ہے جس چاند سے رخسا رکا
عرش اعظم پر پھریرا ہے شہ ابرار کا
بجتا ہے کونین میں ڈنکا مرے سرکار کا
دو جہاں میں بٹتا ہے باڑہ اس سرکار کا
دونوں عالم پاتے ہیں صدقہ اسی دربار کا
جاری ہے آٹھوں پہر لنگر سخی دربار کا
فیض پر ہر دم ہے دریا احمد مختار کا
روضۂ والائے طیبہ مخزن انوار ہے
کیا کہوں عالم میں تجھ سے جلوہ گاہِ یارکا
دل ہے کس کا جان کس کی سب کے مالک ہیں وہی
دونوں عالم پر ہے قبضہ احمد مختار کا
کیا کرے سونے کا کشتہ، کشتہ تیر عشق کا
دید کا پیاسا کرے کیا شربت دینار کا
فق ہو چہرہ مہر و مہ کا ایسے منہ کے سامنے
جس کو قسمت سے ملے بوسہ تری پیزار کا
لات ماری تم نے دنیا پر اگر تم چاہتے
سلسلہ سونے کا ہوتا سلسلہ کہسار کا
میں تری رحمت کے قرباں اے مرے امن واماں
کوئی بھی پر ساں نہیں ہے مجھ سے بد کردار کا
ہیں معاصی حد سے باہر پھر بھی زاہد غم نہیں
رحمت عالم کی امت بندہ ہوں غفار کا
تو ہے رحمت باب رحمت تیرا دروازہ ہوا
سایۂ فضل خدا سایہ تیری دیوار کا
کعبہ و اقصٰی و عرش و خلد ہیں نوؔری مگر
مقطع
ہے نرا لا سب سے عالم جلوہ گاہ یار کا
سامانِ بخشش
Kalam Details
Bahr
Bahr-e-Jadeed Musaddas Salim
Arkaan
فاعلاتن فاعلاتن مستفعلن
Radif
کا
Zameen
بحر: جدید مسدس سالم؛ ردیف: کا
Sanf
نعت
Script
Urdu
Total Misra
28
Writer
Mufti-e-Azam Mustafa Raza Noori
Book
Saman-e-Bakhshish