Naat
Jin Ka Laqab Hai Salli-e-Ali Muhammad
جن کا لقب ہے صلِّ علیٰ محمدٍﷺ
Urdu Kalam
مطلع
جن کا لقب ہے صلِّ علیٰ محمدٍﷺ
ان سے ہمیں خدا ملا صلِّ علیٰ محمدٍﷺ
روح الامیں تو تھک گئے اور وہ عرش تک گئے
عرشِ بریں پکار اٹھا صلِّ علیٰ محمدٍﷺ
خلدِ بریں ہر جگہ نام شہِ انام ہے
خلد ہے ملک آپ کا صلِّ علیٰ محمدٍﷺ
دھوم ہے ان کی چارسو ذکر ہے اُن کا کو بکو
مظہرِ ذاتِ کبریا صلِّ علیٰ محمدٍﷺ
جو ہو مریضِ لادوا یا کسی غم میں مبتلا
صبح و مسا پڑھے سدا صلِّ علیٰ محمدٍﷺ
مشکلیں ان کی حل ہوئیں قسمتیں ان کی کھل گئیں
ورد جنہوں نے کر لیا صلِّ علیٰ محمدٍﷺ
شدت جانکنی ہو جب نزع کی جب ہو کشمکش
وردِ زباں کے ہو یا خدا صلِّ علیٰ محمدٍﷺ
قبر میں جب فرشتے آئیں شکل خدا نما دکھائیں
پڑھتا اُٹھوں میں یا خدا صلِّ علیٰ محمدﷺٍ
لاج گنہگار کی آپ کے ہاتھ میں ہے نبیﷺ
بدہے مگر ہے آپ کا صلِّ علیٰ محمدٍﷺ
مقطع
حشر میں سالکؔ حزیں تھام کے دامنِ نبی ﷺ
عرض کرے یہ بر ملا صلِّ علیٰ محمدٍﷺ
Kalam Details
Bahr
Bahr-e-Khafeef Musaddas Makhboon Mahzoof
Arkaan
فاعلاتن مفاعلن فَعِلن
Radif
صل علی محمد
Zameen
بحر: خفیف مسدس مخبون محذوف؛ ردیف: صل علی محمد
Sanf
درود و سلام
Script
Urdu
Total Misra
20
Writer
Mufti Ahmad Yar Khan Naeemi
Book
Diwan-e-Salik
Category
Naat
Topics
Durood-o-Salaam