Naat
Nihan Jis Dil Mein Sarkar-e-do Aalam Ki Mohabbat Hai
نہاں جس دل میں سرکارِ دو عالم کی محبت ہے
Urdu Kalam
مطلع
نہاں جس دل میں سرکارِ دو عالم کی محبت ہے
وہ خلوت خانۂ مولیٰ ہے وہ دل رشک جنت ہے
خلائق پر ہوئی روشن ازل سے یہ حقیقت ہے
دو عالم میں تمہاری سلطنت ہے بادشاہت ہے
خدا نے یاد فرمائی قسم خاکِ کفِ پا کی
ہوا معلوم طیبہ کی دو عالم پر فضیلت ہے
سوائے میرے آقا کے سبھی کے رشتے ہیں فانی
وہ قسمت کا سکندر ہے جسے آقا سے نسبت ہے
یہی کہتی ہے رندوں سے نگاہِ مست ساقی کی
درِ میخانہ وا ہے میکشوں کی عام دعوت ہے
غم شاہِ دنیٰ میں مرنے والے تیرا کیا کہنا
تجھے لَا یَحْزَنُوْا کی تیرے مولیٰ سے بشارت ہے
مقطع
اٹھے شورِ مبارکباد ان سے جا ملا اخترؔ
غم جاناں میں کس درجہ حسیں انجام فرقت ہے
Kalam Details
Bahr
Bahr-e-Hazaj Musamman Salim
Arkaan
مفاعیلن مفاعیلن مفاعیلن مفاعیلن
Radif
ہے
Zameen
بحر: ہزج مثمن سالم؛ ردیف: ہے
Sanf
نعت
Script
Urdu
Total Misra
14
Writer
Taj-ush-Shariah Mufti Akhtar Raza Qadri Azhari
Book
Safina-e-Bakhshish