Naat
Qaafle ne su-e-taiba kamar aaraai ki
قافلے نے سُوئے طیبہ کمر آرائی کی
Urdu Kalam
مطلع
قافلے نے سُوئے طیبہ کمر آرائی کی
مشکل آسان الہٰی مری تنہائی کی
لاج رکھ لی طمعِ عفو کے سودائی کی
اے میں قرباں مِرے آقا بڑی آقائی کی
فرش تا عرش سب آئینہ ضمائر حاضِر
بس قسم کھائیے اُمّی تِری دانائی کی
شش جہت سمت مقابل شب و روز ایک ہی حال
دُھوم وَالنَّجم میں ہے آپ کی بِینائی کی
پانسو۵۰۰ سال کی راہ ایسی ہے جیسے دو گام
آس ہم کو بھی لگی ہے تِری شنوائی کی
چاند اشارے کا ہلا حکم کا باندھا سورج
واہ کیا بات شہا تیری توانائی کی
مقطع
تنگ ٹھہری ہے رضاؔ جس کے لئے وُسعتِ عرش
بس جگہ دل میں ہے اس جَلوۂ ہرجائی کی
Kalam Details
Bahr
Bahr-e-Muzare Musamman Akhram Makfuf Mahzuf
Radif
ی
Total Ashaar
7
Total Misra
14
Writer
Aala Hazrat Imam Ahmed Raza Khan
Book
Hadaiq-e-Bakhshish
Category
Naat