Naat
Yun Hui Yaad-e-rukh-e-Mahboob Mehman-e-hayat
یوں ہوئی یادِ رخِ محبوب مہمانِ حیات
Urdu Kalam
مطلع
یوں ہوئی یادِ رخِ محبوب مہمانِ حیات
آنسو آنسو بن گیا شمعِ فروزانِ حیات
میری جانب بھی بہ شانِ لطف اے جانِ حیاتﷺ
وہ نگاہیں جو بدل دیتی ہیں عنوانِ حیات
کر دیا پُر گوہر مقصد سے دامانِ حیات
یانبیﷺ تم بن کر آئے ابر نبسانِ حیات
تم نے آکر سوزنِ رحمت سے کی بخیہ گری
پارہ پارہ ہوچکا تھا ورنہ دامانِ حیات
زندگی کے آپ نے سمجھائے اسرار و رموز
آپ سے پہلے کسے حاصل تھا عرفانِ حیات
تم نے قیدِ جہل سے بخشی نجاتِ دائمی
ہر نفس تھا خلق کو زنجیرِ زندانِ حیات
اُن کی دُھن، ان کی لگن، ان کی تمنّا، ان کی یاد
مختصر سا ہے مگر کافی ہے سامانِ حیات
تیرے صدقے اے بہارِ فرقتِ کوئے حبیبﷺ
ہے پَھلا پُھولا، خدا رکھے گلستانِ حیات
شانۂ اخلاق سے تم نے سنوارے پیچ و خم
ورنہ تھی اُلجھی ہوئی زلفِ پریشانِ حیات
اے دیارِ مصطفیٰﷺ میں مرنے والے خوش نصیب
کس حَسِیں انداز سے بدلا ہے عنوانِ حیات
مقطع
موت آئے اُن سنہری جالیوں کے سامنے
بس یہی لے دے کے اب اختؔر ہے ارمانِ حیات
Kalam Details
Bahr
Bahr-e-Ramal Musamman Mahzoof
Arkaan
فاعلاتن فاعلاتن فاعلاتن فاعلن
Radif
حیات
Zameen
بحر: رمل مثمن محذوف؛ ردیف: حیات
Sanf
نعت
Script
Urdu
Total Misra
22
Writer
Syed Marghoob Akhtar Al-Hamidi
Book
Naat Mahal