Naat
Arsh-e-haq Ka Shaan-e-mahrdanee Maah-e-mubayaan
عرشِ حق کا شانۂ مہردنیٰ ماہِ مبیں
Urdu Kalam
مطلع
عرشِ حق کا شانۂ مہردنیٰ ماہِ مبیں
دل تجلّی خانۂ مہرِ دنیٰ ماہِ مبیں
تاجِ سُبحانَ الَّذِی اَسْریٰ ہے اے صلِّ عَلٰی
بر سرِ شاہانۂ مہرِدنیٰ ماہِ مبیں
فرش سے تا عرشِ اعلیٰ، عرش سے تا لامکاں
ہے حد کاشانۂ مہرِدنیٰ ماہِ مبیں
ہوش کی دنیا میں اک تیرے جنوں کی دھوم ہے
مرحبا دیوانۂ مہرِدنیٰ ماہِ مبیں
نقشِ وَاللِّیلِ اِذَایَغْشٰی کے آئینے میں ہے
طرزِ زلف و شانۂ مہرِدنیٰ ماہِ مبیں
دل بھی ہے ناچیز تحفہ ، جاں بھی ہے ناچیز شَے
کیا کروں نذرانۂ مہرِدنیٰ ماہِ مبیں
آیۂ لَاتَقْنَطُوا میں مستتر ہے عاصیو
بخششِ شاہانۂ مہرِدنیٰ ماہِ مبیں
کائناتِ حُسن میں تیری یہ نور افشانیاں
جلوۂ جانانۂ مہرِدنیٰ ماہِ مبیں
کوثر و تسنیم کے ہمراہ دے ساقی مجھے
خلد میں پیمانۂ مہرِدنیٰ ماہِ مبیں
مَے فشاں مینائے مَازَاغْ الْبَصَر سے ہے ہنوز
نرگسِ مستانۂ مہرِدنیٰ ماہِ مبیں
مقطع
میں نے اختؔر پی ہے دستِ ساقی بغداد سے
بادۂ میخانۂ مہرِدنیٰ ماہِ مبیں
Kalam Details
Bahr
Bahr-e-Rajaz Musamman Matwi Makhboon
Arkaan
مفتَعِلن مفاعلن مفتَعِلن مفاعلن
Radif
ماہ مبیں
Zameen
بحر: رجز مثمن مطوی مخبون؛ ردیف: ماہ مبیں
Sanf
نعت
Script
Urdu
Total Misra
22
Writer
Syed Marghoob Akhtar Al-Hamidi
Book
Naat Mahal