Naat
Zair Hain Rawan Shaam O Sahar Soo-e-Madina
زائر ہیں رواں شام و سحر سُوئے مدینہ
Urdu Kalam
مطلع
زائر ہیں رواں شام و سحر سُوئے مدینہ
اے کاش ہو اپنا بھی سفر سُوئے مدینہ
سر سُوئے حرم، دل ہے مگر سُوئے مدینہ
سجدے ہیں بالفاظِ دگر سُوئے مدینہ
اِتنی ہو وارفتگئ شوقِ نظارا
ہر وقت ہو بیتاب نظر سُوئے مدینہ
اُٹھ اور نئے انداز سے اُٹھ میں تِرے صدقے
لے چل مجھے اے دردِ جگر سُوئے مدینہ
ذرّاتِ مدینہ کی کِشش دیکھ رہا ہوں
جاری ہے ستاروں کا سفر سُوئے مدینہ
ہر ذرّہ ہمہ طُور، ہمہ برقِ تجلّی
باچشمِ کلیمانہ مگر سُوئے مدینہ
مقطع
کب دیکھئے سرکار سے آتا ہے بُلاوا
دن رات ہے اختؔر کی نظر سُوئے مدینہ
Kalam Details
Bahr
Bahr-e-Hazaj Musamman Akhrab Makfoof Mahzoof
Arkaan
مفعول مفاعیل مفاعیل فعولن
Radif
سوئے مدینہ
Zameen
بحر: ہزج مثمن اخرب مکفوف محذوف؛ ردیف: سوئے مدینہ
Sanf
نعت
Script
Urdu
Total Misra
14
Writer
Syed Marghoob Akhtar Al-Hamidi
Book
Naat Mahal