Naat
Yeh Husn O Rang-e-, Yeh Noor O Nikhaar Aap Se Hai
یہ حسن و رنگ، یہ نور و نکھار آپﷺ سے ہے
Urdu Kalam
مطلع
یہ حسن و رنگ، یہ نور و نکھار آپﷺ سے ہے
حسینِ کعبہ، حسیں ہر بہار آپﷺ سے ہے
سکوں زمیں کو، فلک کو قرار آپﷺ سے ہے
ثباتِ عالمِ ہژدہ ھزار آپﷺ سے ہے
یہ کہکشاں، یہ ستارے، یہ پھول، یہ غنچے
یہ کائنات جناں درکنار آپﷺ سے ہے
بسی ہے آپ کے گیسوئے عنبریں کی مہک
فضا ہے مست، ہوا مشکبار آپﷺ سے ہے
ہر ایک اَوج نے پائی ہے آپﷺ سے عظمت
ہر اِک وقار کو حاصل وقار آپﷺ سے ہے
یہ ہست و بود، وجود و عدم ، ظہور و نمود
یہ نظمِ گردشِ لیل و نہار آپﷺ سے ہے
محیطِ ارض و سما ہیں تجلّیاتِ حضورﷺ
بہشتِ قلب و نظر کی بہار آپﷺ سے ہے
سجی ہے آپ کے جلووں سے بزمِ کُن فَیَکُوں
حسین محفلِ پروردگار آپﷺ سے ہے
مقطع
مدینہ دور سہی، بے نوا سہی اختؔر
بس اِک نگاہ کا امیدوار آپﷺ سے ہے
Kalam Details
Bahr
Bahr-e-Munsarih Musamman Matwi Maksoof
Arkaan
مفتَعِلن فاعلن مفتَعِلن فاعلن
Radif
آپ سے ہے
Zameen
بحر: منسرح مثمن مطوی مکسوف؛ ردیف: آپ سے ہے
Sanf
منقبت
Script
Urdu
Total Misra
18
Writer
Syed Marghoob Akhtar Al-Hamidi
Book
Naat Mahal