Naat
Jo Hain Habib-e-Khaliq Bartar Woh Aa Gaye
جو ہیں حبیبِ خالق برتر وہﷺ آگئے
Urdu Kalam
مطلع
جو ہیں حبیبِ خالقﷺ بر تر وہﷺ آگئے
جشنِ سرور و نور ہے گھر گھر وہﷺ آگئے
لب تشنہ! دیکھ ساقئ کوثر وہﷺ آگئے
رحمت کا بادہ خانہ بہ ساغر وہﷺ آگئے
نغمہ ہے بلبلوں کی زباں پر وہﷺ آگئے
بولی کلی گلوں سے چٹک کر وہﷺ آگئے
وقفِ پیامِ عید چمن میں صبا ھے آج
جو ہیں بہارِ حسنِ گُلِ تَر وہﷺ آگئے
دیتی ہے شاخ، شاخ کو پیغامِ تہنیت
کہتا ہے پھول، پھول سے ہنس کر وہﷺ آگئے
بھرتے ہیں رات دن جو فقیروں کی جھولیاں
کرتے ہیں جو گدا کو تو نگر وہﷺ آگئے
قسمت پہ اپنی آج ہیں نازاں گناہگار
کہتے ہیں جن کو شافعِ محشر وہﷺ آگئے
جانِ حزیں کا چَین، سکونِ شکستہ دِل
جو ہیں قرارِ خاطرِ مضطر وہﷺ آگئے
مقطع
روشن ہے جن کے نام سے اسلام کا چراغ
جو حق کے نازنین ہیں اختؔر وہﷺ آگئے
Kalam Details
Bahr
Bahr-e-Muzare Musamman Akhrab Mahzoof
Arkaan
مفعول فاعلاتن مفعول فاعلن
Radif
وہ آگئے
Zameen
بحر: مضارع مثمن اخرب محذوف؛ ردیف: وہ آگئے
Sanf
نعت
Script
Urdu
Total Misra
18
Writer
Syed Marghoob Akhtar Al-Hamidi
Book
Naat Mahal