Naat
Zehe Taqdeer Beemar Mohabbat Chara Gar Aaya
زہے تقدیر بیمار محبت چارہ گر آیا
Urdu Kalam
مطلع
زہے تقدیر بیمار محبت چارہ گر آیا
سکوں جان عالم راحت قلب و نظر آیا
نظر مائل بہ گریہ تھی وفور شادانی سے
عجب تھا ماجرا پیش نظر جب تیرا در آیا
فلک پر بنکے چمکے مثل خاور سارے پیغبر
محمد مصطفیٰﷺ لیکن باندازدگر آیا
مٹانے فتنہ انگیزی زمانے کی زمانے سے
کنار آمنہ میں امن کا پیغامبرﷺ آیا
عجب انداز سے توحید کا گاتا ہوا نغمہ
نواسنج گلستان براہیمی ادھر آیا
جب آئے جلوہ گاہ رب میں موسیٰ ہوگئے بیخود
تبسم تھا لبوں پر جب وہاں خیر البشر آیا
کہیں واللیل کا منظر کہیں والشّمس کے جلوے
نظارہ انکی زلف ورخ میں نظروں کو نظر آیا
کلام اللہ تو کہتا ہے ان کو نور یزدانی
مگر کہتے ہیں اہل شر انہیں مجھ سا بشر آیا
مقطع
تری نغمہ سرائی پر اثر ثابت ہوئی اخؔتر
زبان اہل محفل بول اٹھی نغمہ گر آیا
Kalam Details
Bahr
Bahr-e-Mujtass Musamman Makhboon
Arkaan
مفاعلن فَعِلاتن مفاعلن فَعِلاتن
Radif
آیا
Zameen
بحر: مجتث مثمن مخبون؛ ردیف: آیا
Sanf
نعت
Script
Urdu
Total Misra
18
Writer
Huzoor Syed Muhammad Madani Ashrafi Jilani
Book
Tajalliyat-e-Sukhan