Naat

Idhar Nahin Ya Idhar Nahin Hai Nabi Ka Jalwa Kidhar Nahin Hai

ادھر نہیں یا اُدھر نہیں ہے نبیﷺ کا جلوہ کدھر نہیں ہے

Urdu Kalam

مطلع

ادھر نہیں یا اُدھر نہیں ہے نبیﷺ کا جلوہ کدھر نہیں ہے

مگر جمالِ نبیﷺ کو دیکھے بشر کی ایسی نظر نہیں ہے

وفور دیوانگی یہ کیسی یہ شور کیسا در نبیﷺ پر

وہ واقفِ راز دل ہیں اختر تجھے یہ شاید خبر نہیں ہے

فلک جو دیکھے مرے قمر کو تو بھول جائے قمر کو اپنے

چھپالے ابرِ سیاہ جس کو مرا قمر وہ قمر نہیں ہے

قسم خدا کی وہ دل نہیں ہے تری محبت ہے جو ہو خالی

وہ آنکھ بھی کوئی آنکھ ہے جو تری جدائی سے تر نہیں ہے

عجب ہے لطف غمِ نبیﷺ بھی نہیں اسے حاجت مداوا

دوا ہو جس درد کا مداوایہ ایسا دردجگر نہیں ہے

اٹھا دو للّلہ اٹھا دو للّلہ نقاب روئے قمر فشاں کو

دکھا دو جلوہ کہ تیرے بیمار کو امید سحر نہیں ہے

یہ مانتاہوں تری نظر میں مری نظر ہے قمر یہ لیکن

میں ان کے تلوؤں کو دیکھتا ہوں مری نظر چاند پر نہیں ہے

ہے مثل اپنے ہتھیلیوں کے زمانۂ ماضی و مضارع

وہ کون سی شئے ہے عقل والو جو ان کے پیش نظر نہیں ہے

خدا کے پیارے سے ہو کے بدظن خدا کو بھی کر لیا ہے دشمن

ارے منافق تجھے ہوا کیا ذرا بھی خوفِ سقر نہیں ہے

مقطع

بربِّ کعبہ کریں گے خود رہبری تمھاری وہ غائبانہ

رہِ طلب میں تجھے اب اخؔتر ضرورت راہبر نہیں ہے

Bahr Bahr-e-Jameel Musamman Salim

Arkaan مَفاعلاتن مَفاعلاتن مَفاعلاتن مَفاعلاتن

Radif نہیں ہے

Zameen بحر: جمیل مثمن سالم؛ ردیف: نہیں ہے

Sanf نعت

Script Urdu

Total Misra 20

Writer Huzoor Syed Muhammad Madani Ashrafi Jilani

Book Tajalliyat-e-Sukhan

Category Naat

Topics Naat