Naat
Hai Mureedi La Takhaf Jab Izn-e-aam-e-Ghaus-e-paak
ہے مُرِیْدیْ لَا تَخَفْ جب اذنِ عامِ غوثِ پاک
Urdu Kalam
مطلع
منقبت حضرت غوثِ اعظم
ہے مُرِیْدیْ لَا تَخَفْ جب اذنِ عامِ غوثِ پاک
کیوں نہ ہوں آزاد دوزخ سے غلامِ غوثِ پاک
ہے جہانِ معرفت میں احترامِ غوثِ پاک
اللہ اللہ کِتنا ارفع ہے مقامِ غوثِ پاک
میں بھی دیکھوں پوچھتے ہیں مجھ سے کیا مُنکَر نکیر
نزع میں لکھ دے جبیں پر کوئی نامِ غوثِ پاک
آپ کے زیرِ قدم ہیں اولیاء کی گردنیں
اے تعالی اللہ یہ اوجِ مقامِ غوثِ پاک
منہ میں پاتا ہوں حلاوت کوثر و تسنیم کی
لب پہ جب بے ساختہ آتا ہے نامِ غوثِ پاک
گلشنِ صد رنگ و بُو ہے مصرعہ مصرعہ شِعر شِعر
ہے بہشتِ معرفت گویا کلامِ غوثِ پاک
ان کا پَیر و اِک قدم ہٹتا نہیں اِسلام سے
کس قدر مضبوط و محکم ہے نظامِ غوثِ پاک
خلد بر کف اے مقدّس سرزمیں بغداد کی
کب سے ہے تیرے لئے مضطر غلامِ غوثِ پاک
وہ فضائے میکدہ اختؔر ہے فردوسِ نظر
مقطع
بادۂ جیلاں، رضا کا ہاتھ، جامِ غوثِ پاک
Kalam Details
Bahr
Bahr-e-Ramal Musamman Mahzoof
Arkaan
فاعلاتن فاعلاتن فاعلاتن فاعلن
Radif
غوث پاک
Zameen
بحر: رمل مثمن محذوف؛ ردیف: غوث پاک
Sanf
منقبت
Script
Urdu
Total Misra
19
Writer
Syed Marghoob Akhtar Al-Hamidi
Book
Naat Mahal