Naat
To Hai Sarwar Mein Hoon Kam Tar To Kahan Aur Mein Kahan
تو ہے سرور میں ہوں کم تر تو کہاں اور میں کہاں
Urdu Kalam
مطلع
تو کُجا مَنْ کُجا ( تو کہاں اور میں کہاں)
تو ہے سرور میں ہوں کم تر تو کہاں اور میں کہاں
میں ہوں ادنیٰ تو ہے برتر تو کہاں اور میں کہاں
تو حبیب ربِّ کعبہﷺ مالک ہرایں و آں
میں ہوں سائل تیرے در پر تُو کہاں اور میں کہاں
تیری خوشبو کل جہاں میں مہکی مہکی ہر فضا
تجھ سے ہر کوچہ معطّر تو کہاں اور میں کہاں
کیا عجم ہے کیا عرب ہے ہر طرف تیرا کرم ہے
نعت تیری سب کے لب پر تُو کہاں اور میں کہاں
اِک نگِاہ لطف مجھ پر اے شہ فضل و رضا
تو رضائے ربِّ اکبر تو کہاں اور میں کہاں
تیرے ذکر پاک سے معمور ہیں ارض و سما
ذکر تیرا خوب گھر گھر تو کہاں اور میں کہاں
وَالضُّحیٰ ہے روئے انور زلف وَالَّلیل سَجیٰ
ہر ادا تیری منور تو کہاں اور میں کہاں
تو ہے قرآن مُجسّم اے شفیع المذنبین
ہر جہاں ہے نعت سرور تو کہاں اور میں کہاں
مدح خواں حافؔظ ہے تیرا، ہے تیرا لطف و کرم
مقطع
یہ زباں اور ذکر اطہر تو کہاں اور میں کہاں
(۲۵ جمادی الاخریٰ ۱۴۳۹ھ ۱۴ مارچ ۲۰۱۸ء)
Kalam Details
Bahr
Bahr-e-Ramal Musamman Mahzoof
Arkaan
فاعلاتن فاعلاتن فاعلاتن فاعلن
Radif
تو کہاں اور میں کہاں
Zameen
بحر: رمل مثمن محذوف؛ ردیف: تو کہاں اور میں کہاں
Sanf
نعت
Script
Urdu
Total Misra
20
Writer
Ibn-e-Khaleel Ahmad Miyan Hafiz Al-Barkati
Book
Hadaiq-e-Barakat