Naat
Dast Qudrat Ne Ajab Soorat Banaayee Aap Ki
دست قدرت نے عجب صورت بنائی آپ کی
Urdu Kalam
مطلع
دست قدرت نے عجب صورت بنائی آپ کی
والہ و شیدا ہوئی ساری خدائی آپ کی
آپ پر صدقے نہ کیوں کر ہوں حسینان ِجہاں
صانع مُطلق کو شکل ِپاک بھائی آپ کی
آپ محبوبِ خدا کونین کے مختار ہیں
جب خدا ہےآپ کا ساری خدائی آپ کی
بادشاہانِ جہاں کو بھی یہی کہتے سنا
سلطنت دنیا کی چھوڑ و، لو گدائی آپ کی
ناروالے ایک دم میں نور والے ہوگئے
رحمت ِعالم عجب ہے رہنمائی آپ کی
ساری مخلوق الہٰی آپ کی فرماں پذیر
میں بھی بندہ آپ کا ساری خدائی آپ کی
امتِ عاصی کی بخشش آپ پر موقوف ہے
مخلصی دلوائے گی مشکل کشائی آپ کی
جمع ہوں گے روز محشر اولین و آخریں
سب پہ روشن ہوگی شان مصطفائی آپ کی
اب تو بلوا لو مدینے میں خدا کے واسطے
پارہ پارہ دل کو کرتی ہے جدائی آپ کی
یا الہٰی روز محشر لب پہ جاری ہو مرے
المدد اے شافع ِمحشر دوہائی آپ کی
جمع کرلے تو شۂ عقبےٰ جمیل ِقادری
کام دےگی حشر میں مدحت سرائی آپ کی
مقطع
قبالۂ بخشش
Kalam Details
Bahr
Bahr-e-Ramal Musamman Mahzoof
Arkaan
فاعلاتن فاعلاتن فاعلاتن فاعلن
Radif
آپ کی
Zameen
بحر: رمل مثمن محذوف؛ ردیف: آپ کی
Sanf
حمد
Script
Urdu
Total Misra
23
Writer
Maulana Jameel-ur-Rahman Qadri
Book
Qabala-e-Bakhshish