Naat
Tarz Raza Ki Pairwi
طرز رضا کی پیروی
Urdu Kalam
مطلع
اعلیٰ حضرت کے ایک مصرعِ اولیٰ "ماہِ مدینہ اپنی تجلی عطا کرے" پر سعادتِ نعت :
یادِ رسولِ پاک میں جو گُم رہا کرے
ہر ایک رنج و غم سے وہی تو بچا کرے
جو کوئی اُن کے نام پہ خود کو فدا کرے
نارِ جحیم سے اُسے مولیٰ رِہا کرے
منگتا ہزار بار عطا پر خطا کرے
ایسا سخی ہے وہ کہ خطا پر عطا کرے
تکمیل کیوں نہ اُس کی تمنّا خدا کرے
اُن کے وسیلے جو کوئی رب سے دعا کرے
اُس کی نگاہیں کیوں نہ منور رہیں سدا
نظروں میں جس کے گنبدِ خضرا بسا کرے
تحویلِ قبلہ سے ہے عیاں صاف صاف یہ
منظور خود خدا بھی نبی کی رضا کرے
جائے درِ رسول پہ بخشش کے واسطے
جو کوئی اپنی جان پہ خود ہی جفا کرے
چومے گی اُس کے قدموں کو خود منزلِ بقا
ناموسِ مصطفیٰ پہ جو خود کو فنا کرے
منزل کڑی ہے رات اندھیری ہے قبر کی
"ماہِ مدینہ اپنی تجلی عطا کرے"
واصف ہے جب حضور کی خود ذاتِ کبریا
کس طرح کوئی نعت کا پھر حق ادا کرے
جب ہے گدا پہ اُن کی عنایت بلا طلب
کیوں کر وہ بارگاہ میں جا کر صدا کرے
ہوجائیں خود بَلائیں بَلاؤں میں مبتلا
چارہ گری ہماری جو خاکِ شفا کرے
اُس کو ملے گی کیسے شفاعت حضور کی
سُنّت کو چھوڑ کر جو نبی کو خفا کرے
ہے آرزو مُشاہدِ خستہ کی بس یہی
وقتِ قضا بھی آپ کی مدح و ثنا کرے
احمد رضا کے ساتھ مُشاہد بھی یارسول
مدحت سرائی آپ کی زیرِ لِوا کرے
صلی اللّٰہ تعالیٰ علیہ وآلہٖ وصحبہ وبارک وسلم
مقطع
عرض نمودہ : محمد حسین مشاہد رضوی
Kalam Details
Bahr
Bahr-e-Khafeef Musaddas Makhboon Mahzoof Maqtoo
Arkaan
فاعلاتن مفاعلن فِعْلن
Radif
کرے
Zameen
بحر: خفیف مسدس مخبون محذوف مقطوع؛ ردیف: کرے
Sanf
نعت
Script
Urdu
Total Misra
33
Writer
Dr. Muhammad Hussain Mushahid Razvi
Book
Ghair Matboo Kalam - Dr. Muhammad Hussain Mushahid Razvi