Naat
Seemaaye Kufr Jabhah Kaleesaa Jhuka Gayi
سیمائے کفر جبہہ کلیسا جھکا گئی
Urdu Kalam
مطلع
سیمائے کفر جبہہ کلیسا جھکا گئی
کیا شان حیدری تھی زمانہ پہ چھاگئی
ہر سو چھلک رہی ہے مئے کیف و انبساط
باد نسیم آکے یہ کیا گنگنا گئی
رکھا چھپا کے پردۂ تطہیر میں اسے
اللہ کو بھی آپ کی تصویر بھا گئی
اپنی مناؤ خیر مری بدنصیبو
مولائے کائنات کی تشریف آگئی
تن بستر رسولﷺ پہ دل عرشِ آشیاں
دنیا سمجھ رہی تھی انھیں نیند آگئی
دنیا کی زندگی بھی تو ہے مشکلات سے
کیسے کہوں کہ حاجت مشکل کشا گئی
بخت سیہ چمک کہ چمکنے کا وقت ہے
ماہ رجب کی تیرھویں تاریخ آگئی
مقطع
اخؔتر طلسم نرگس رعنا نہ پوچھئے
اپنے تو اپنے غیر کو اپنا بنا گئی
Kalam Details
Bahr
Bahr-e-Muzare Musamman Akhrab Makfoof Mahzoof
Arkaan
مفعول فاعلاتُ مفاعیل فاعلن
Radif
گئی
Zameen
بحر: مضارع مثمن اخرب مکفوف محذوف؛ ردیف: گئی
Sanf
نعت
Script
Urdu
Total Misra
16
Writer
Huzoor Syed Muhammad Madani Ashrafi Jilani
Book
Tajalliyat-e-Sukhan