Naat
Roshan Na Ho Kyun Manzil-e-taqdeer-e-tamanna
روشن نہ ہو کیوں منزلِ تقدیرِ تمنّا
Urdu Kalam
مطلع
روشن نہ ہو کیوں منزلِ تقدیرِ تمنّا
ہیں آپ چراغِ رہِ تدبیرِ تمنّا
آزاد ہے ہر فکر سے اے گیسوؤں والے
تیرا جو ہوا بستۂ زنجیرِ تمنّا
اب اور وہ رکھتے مِری غربت کا بھرم کیا
گھر بیٹھے عطا کی مجھے جاگیرِ تمنّا
یا دَر پہ بُلا لیجئے سرکارِ دوعالمﷺ
یا مجھ کو بنا دیجئے تصویرِ تمنّا
ہو آپﷺ سے جس خوابِ تمنّا کا تعلّق
وہ خواب حقیقت میں ہے تعبیرِ تمنّا
طیبہ ہی میں رہوارِ تمنّا نے لیا دَم
گو لاکھ ہوئی یاس غنا گیرِ تمنّا
آرام دہِ جاں ہے یہ اے جانِ مسیحاﷺ
دل میں مرے پیوست رہے تیرِ تمنّا
آسودہ ہے ظلِّ کرمِ سرورِ دیں میں
بیدار بھی ہو جائے گی تقدیرِ تمنّا
ظلمّکدہ یاس میں ہے تجھ سے اُجالا
اے مہرِ عرب، مرکزِ تنویرِ تمنّا
آراستۂ نعت ہے قرطاسِ عقیدت
اللہ غنی شوخئ تحریرِ تمنّا
مقطع
اختؔر وہ درِ جانِ تمنّا نظر آیا
تم اب تو ہوئے قائلِ تاثیرِ تمنّا
Kalam Details
Bahr
Bahr-e-Hazaj Musamman Akhrab Makfoof Mahzoof
Arkaan
مفعول مفاعیل مفاعیل فعولن
Radif
تمنا
Zameen
بحر: ہزج مثمن اخرب مکفوف محذوف؛ ردیف: تمنا
Sanf
نعت
Script
Urdu
Total Misra
22
Writer
Syed Marghoob Akhtar Al-Hamidi
Book
Naat Mahal