Naat
Aaee-e-husn-e-be Misaal, Laakhon Salaam Aap Par
آیۂ حسنِ بے مثال، لاکھوں سلام آپﷺ پر
Urdu Kalam
مطلع
حصّۂ درود و سلام
آیۂ حسنِ بے مثال، لاکھوں سلام آپﷺ پر
سایۂ عینِ ذوالجلال، لاکھوں سلام آپﷺ پر
اے مدنی مہِ کمال، لاکھوں سلام آپﷺ پر
مہرِ منیرِ لازوال، لاکھوں سلام آپﷺ پر
ماہِ جبینِ ضحٰی مثال، لاکھوں سلام آپﷺ پر
لوحِ صحیفۂ جمال، لاکھوں سلام آپﷺ پر
حضرتِ مطلّب کے لال، لاکھوں سلام آپﷺ پر
آمنہ بی کے نونہال، لاکھوں سلام آپﷺ پر
معنئ آیۂ جمال، لاکھوں سلام آپﷺ پر
شرحِ صفاتِ لایزال، لاکھوں سلام آپﷺ پر
حُسنِ ہمہ، ہمہ جمال، لاکھوں سلام آپﷺ پر
چاند جبیں، بھنویں ہِلال، لاکھوں سلام آپﷺ پر
نور ہی نور بال بال، لاکھوں سلام آپﷺ پر
حسن ہی حسن خدّ و خال، لاکھوں سلام آپﷺ پر
آپ کی ذات بیمثال، لاکھوں سلام آپﷺ پر
آپ کا دائرہ محال، لاکھوں سلام آپﷺ پر
ربّ ہے محبِّ بمیثال، لاکھوں سلام آپﷺ پر
آپ حبیبِ خوش خصال، لاکھوں سلام آپﷺ پر
کتنا حسِین و تابناک صلّ علےٰ ہے نامِ پاک
میمِ مبیں سے تابہ دال‘ لاکھوں سلام آپﷺ پر
آپﷺ خدا کے ہیں حبیب، آپﷺ خدا سے ہیں قریب
آپ کا مثل ہے محال، لاکھوں سلام آپﷺ پر
آپﷺ ہیں میری کائنات، آپﷺ کا غم مری حیات
آپﷺ کا ہجر ہے وصال، لاکھوں سلام آپﷺ پر
فرش سے تادَنیٰ گئے، آن میں آپﷺ آگئے
کتنی سبک ہے چال ڈھال، لاکھوں سلام آپﷺ پر
حاضرِ در ہے شاہِ دیں، آپﷺ کا اختؔرِ حزیں
مقطع
کشتۂ غم، شکستہ حال، لاکھوں سلام آپﷺ پر
Kalam Details
Bahr
Bahr-e-Rajaz Musamman Matwi Makhboon
Arkaan
مفتَعِلن مفاعلن مفتَعِلن مفاعلن
Radif
لاکھوں سلام آپ پر
Zameen
بحر: رجز مثمن مطوی مخبون؛ ردیف: لاکھوں سلام آپ پر
Sanf
سلام
Script
Urdu
Total Misra
29
Writer
Syed Marghoob Akhtar Al-Hamidi
Book
Naat Mahal