Naat
Aatish-e-furqat-e-Hazrat Ko Bujhaate Jaayein
آتشِ فرقتِ حضرت کو بجھاتے جائیں
Urdu Kalam
مطلع
’’سفرِ مدینہ طیبہ کی آرزو میں‘‘
آتشِ فرقتِ حضرت کو بجھاتے جائیں
دھجیاں جیب و گریباں کی اڑاتے جائیں
گاہ بہلاتے ہوئے جائیں دلِ مضطر کو
بیقراری میں کبھی آگ لگاتے جائیں
اپنی قسمت کی رسائی پہ کبھی ناز کریں
اپنی حالت پہ کبھی اشک بہاتے جائیں
قطع منزل پہ جو وحشت کبھی آڑے آئے
قصہ ہائے قرنی گا کے سناتے جائیں
چھانٹتے جائیں ہجوم غم عصیاں دل سے
اپنی بگڑی ہوئی تقدیر بناتے جائیں
سر کو بھی روکے رہیں جب ہوں مدینہ کے قریب
دل کو آدابِ زیارت بھی سکھاتے جائیں
شامِ غربت میں جو گھبرائے دلِ زار خلیؔل
مقطع
صبح امید کے آثار بھی پاتے جائیں
Kalam Details
Bahr
Bahr-e-Ramal Musamman Makhboon Mahzoof Maqtoo
Arkaan
فاعلاتن فَعِلاتن فَعِلاتن فِعْلن
Radif
جائیں
Zameen
بحر: رمل مثمن مخبون محذوف مقطوع؛ ردیف: جائیں
Sanf
نعت
Script
Urdu
Total Misra
15
Writer
Mufti Muhammad Khaleel Barkati
Book
Jamal-e-Khaleel