Naat
Allah Allah Re Ijaz-e-kaf-e-Paaye Huzoor
اللہ اللہ رے اعجازِ کفِ پائے حضورﷺ
Urdu Kalam
مطلع
اللہ اللہ رے اعجازِ کفِ پائے حضورﷺ
بن گئی قبر مِری عرشِ معلّائے حضورﷺ
آپﷺ کی چشمِ کرم لطف جو فرمائے حضورﷺ
مجھ کو گھر بیٹھے مدینہ نظر آجائے حضورﷺ
آج ہر موج میں ہیں بخشش و رحمت کے گُہر
عاصیو! جوش پہ ہے حشر میں دریائے حضورﷺ
آپ ہیں حامد و محمود و محمّد احمدﷺ
کتنے پاکیزہ ہیں اللہ رے اسمائے حضورﷺ
قابَ قَوسَین تو اکِ حد مِرے ادراک کی ہے
ورنہ اس حد سے بھی آگے ہے کہیں جائے حضورﷺ
آپ سے پائی ہے معراج نے معراجِ کمال
منزلِ اوج ہے ممنونِ کفِ پائے حضورﷺ
بے زرو پَر کو بھی طیبہ کی زیارت ہو جائے
ہو اگر عائلِ اعجازِ تمنّائے حضورﷺ
ہر نَفَس آپ کے اِک شمعِ کرم کا پَر تَو
موجزن زیست کی رَگ رَگ میں ہے دریائے حضورﷺ
مقطع
نعت ہی کے لئے پائی ہے زباں اختؔر نے
آپ کے گیت شب و روز نہ کیوں گائے حضورﷺ
Kalam Details
Bahr
Bahr-e-Ramal Musamman Salim Makhboon Mahzoof
Arkaan
فاعلاتن فَعِلاتن فَعِلاتن فَعِلن
Radif
حضور
Zameen
بحر: رمل مثمن سالم مخبون محذوف؛ ردیف: حضور
Sanf
نعت
Script
Urdu
Total Misra
18
Writer
Syed Marghoob Akhtar Al-Hamidi
Book
Naat Mahal