Naat
Chaoodhween Ka Chand Hai Roo-e-Habib
چودھویں کا چاند ہے روئے حبیب
Urdu Kalam
مطلع
چودھویں کا چاند ہے روئے حبیب
اور ہلال عیدا بروئے حبیب
جان کو قرباں کروں مثل چکور
خواب میں دیکھوں اگر روئے حبیب
عرض کرنا بیکلی میری صبا
ہوگزر تیرا اگر سوئے حبیب
زاہد و ہے فکر تم کو خلد کی
ہم کو پہنچائے خدا کوئے حبیب
جو فنا ہیں عشق مولیٰ میں انہیں
آتی ہے طیبہ سے خوشبوئے حبیب
وہ مدینے سے اٹھی کالی گھٹا
وہ کھلے پر نور گیسوئے حبیب
بار بار آتے تھے جبریل امیں
اس قدر مرغوب تھا کوئے حبیب
عشق میں پاس شریعت ہو ضرور
عاشقو یہ ہے ترازوئے حبیب
دشمنوں کو ظلم کے بدلے دعا
میں ترے قربان اے خوئے حبیب
اس کو شیروں پر شرف حاصل ہوا
جو بنا ادنیٰ سگِ کوئے حبیب
ڈھونڈھتے ہیں سب رضامندی حق
حق تعالیٰ ہے رضا جوئے حبیب
سب نظر رکھتے ہیں خالق کی طرف
اور خالق کی نظر سوئے حبیب
حضرت خالد کا ہے یہ تجربہ
جنگ میں کام آتے ہیں سوئے حبیب
اپنے اوپر بار عالم کالیا
مرحبا اے زور بازوئے حبیب
اے جمیل قادری ہشیار رہو
موت ہے نزدیک چل سوئے حبیب
مقطع
قبالۂ بخشش
Kalam Details
Bahr
Bahr-e-Ramal Musaddas Mahzoof
Arkaan
فاعلاتن فاعلاتن فاعلن
Radif
حبیب
Zameen
بحر: رمل مسدس محذوف؛ ردیف: حبیب
Sanf
نعت
Script
Urdu
Total Misra
31
Writer
Maulana Jameel-ur-Rahman Qadri
Book
Qabala-e-Bakhshish