Naat
Hai Jabeen-e-shauq Ka Bhi Duniya Mein Ek Thikana
ہے جبیںِ شوق کا بھی دنیا میں اک ٹھکانہ
Urdu Kalam
مطلع
ہے جبیںِ شوق کا بھی دنیا میں اک ٹھکانہ
رہے حشر تک سلامت تِرا سنگِ آستانہ
دو جہاں کی نعمتوں کو جسے چاہے بخش دے تو
تِری ملک ہے خدائی تِرے بس میں ہے زمانہ
تو ہی چارہ ساز میرا تو ہی غم گسار میرا
کسے جا کے میں سناؤں غم و درد کا فسانہ
کبھی وہ سحر بھی آتی کہ چراغ بجھتے بجھتے
تِرے سنگِ در پہ بنتا مِرے غم کا آشیانہ
مری آہِ نارسا پر رہی طعنہ زن یہ دنیا
مِرے دردِ دل کا عالم نہ سمجھ سکا زمانہ
ترے غم سے زندگی ہے تری یاد بندگی ہے
کہ ہے دینِ عاشقی میں یہ نمازِ پنج گانہ
مقطع
غمِ عاشقی میں ارؔشد یہی زندگی کا حاصل
کبھی آہِ صبح گاہی کبھی گریۂ شبانہ
Kalam Details
Bahr
Bahr-e-Jadeed Musaddas Salim
Arkaan
فاعلاتن فاعلاتن مستفعلن
Radif
بے ردیف
Zameen
بحر: جدید مسدس سالم؛ ردیف: بے ردیف
Sanf
نعت
Script
Urdu
Total Misra
14
Writer
Allama Arshad Al-Qadri
Book
Izhar-e-Aqeedat