Naat
Har Goosha Shah-e-dein Ki Raddaaye Ymnee Ka
ہر گوشہ شہِ دیں کی ردائے یمنی کا
Urdu Kalam
مطلع
ہر گوشہ شہِ دیں کی ردائے یمنی کا
اِک ظلِّ حسیں ہے کرمِ ذوالمننی کا
عرفاں تو نہیں ہے مجھے شِیریں سخنی کا
مدّاح ہوں لیکن میں رسولِ مدنیﷺ کا
مدّاح ہوں دندانِ اویسِ قرنی کا
سرکار! کہاں منہ ہے یہ دُرِّ عدنی کا
کانٹے بھی ہیں صحرائے عرب کے متبسّم
اعجاز ہے یہ تیری شگفتہ دہنی کا
اے رہروِ ہستی! وہ مدینے کی ہے منزل
جس راہ میں احساس نہیں پاشِکنی کا
ہے طُرفہ خنک سوزِ فراقِ نبویﷺ بھی
یارو عجب عالم ہے دلِ سوختنی کا
حل کر دیا تم نے شبِ معراج یہ عقدہ
جلوہ نہیں محتاج سوالِ اَرِنِی کا
مقطع
میں نعتِ نبیﷺ روز نئی کہتا ہوں اختؔر
ملتا ہے صِلہ مجھ کو میری نغمہ زنی کا
Kalam Details
Bahr
Bahr-e-Muzare Musamman Akhrab Mahzoof
Arkaan
مفعول فاعلاتن مفعول فاعلن
Radif
کا
Zameen
بحر: مضارع مثمن اخرب محذوف؛ ردیف: کا
Sanf
نعت
Script
Urdu
Total Misra
16
Writer
Syed Marghoob Akhtar Al-Hamidi
Book
Naat Mahal