Naat
Har Tarap Par Rauza-e–e-par Noor Hai Dil Ke Qareeb
ہر تڑپ پر روضۂ پُر نورﷺ ہے دل کے قریب
Urdu Kalam
مطلع
ہر تڑپ پر روضۂ پُر نورﷺ ہے دل کے قریب
دردِ فرقت میں بہ ہر پہلو ہُوں منزل کے قریب
ناخدا تم ہو تو پھر طوفانِ محشر ہی سہی
ہم بہر صورت پہنچ جائیں گے منزل کے قریب
نزدِ سرکارِ دو عالمﷺ ہے صحابہ کا ہجوم
کیا بھلے لگتے ہیں تارے ماہِ کامل کے قریب
دیکھتے ہی گنبدِ خضریٰ کو آجائے اَجَل
کشتئ عمرِ رواں ہو غرق ساحل کے قریب
پاسباں ہیں صاحبِ لَاتَقْنَطُواﷺ کی رحمتیں
نااُمیدی آ نہیں سکتی کبھی دل کے قریب
لِیْ مَعَ اللہ بزمِ محبوب و مُحب کی بزم ہے
دوسرے کا کب گزر اس خاص محفل کے قریب
چودھویں کی شب میں مصروفِ تلاوت ہیں بلال
کتنا روشن دائرہ عارض پہ ہے تِل کے قریب
مقطع
جاں یہ شمعِ آرزو میں کس نے اختؔر ڈال دی
اختتامِ قصۂ مہجورئ دل کے قریب
Kalam Details
Bahr
Bahr-e-Ramal Musamman Mahzoof
Arkaan
فاعلاتن فاعلاتن فاعلاتن فاعلن
Radif
کے قریب
Zameen
بحر: رمل مثمن محذوف؛ ردیف: کے قریب
Sanf
نعت
Script
Urdu
Total Misra
16
Writer
Syed Marghoob Akhtar Al-Hamidi
Book
Naat Mahal