Naat
Hoon Sharmsaar Froomaayeegee Pe Jaan-e-hayat
ہُوں شرمسار فرومائیگی پہ جانِ حیات
Urdu Kalam
مطلع
ہُوں شرمسار فرومائیگی پہ جانِ حیات
حضورﷺ نذر کو لایا ہوں ارمغانِ حیات
یہیں سے مردہ دلوں کو مِلا نشانِ حیات
ہے ذرّہ ذرّہ مدینے کا آستانِ حیات
ہزار جان تصدّق شہیدِ ہجرِ حبیبﷺ
ہے تیری رگ میں پوشیدہ کل جہانِ حیات
یونہی چھلکتے رہیں چشمِ تَر کے پیمانے
نہ کم ہو تشنگی شوقِ دیدِ جانِ حیات
ہر اک سانس ہے مظہر تمہاری رحمت کا
کہاں یہ شانِ کرم اور کہاں زبانِ حیات
تمھاری ذاتِ مجسّم دلیلِ ہستی ہے
تمھارا نام حقیقت میں ہے نشانِ حیات
مسیح کعبہ و بطحا کے مرنے والوں پر
قسم خدا کی اَجَل کو بھی ہے گمانِ حیات
خود آشنا و خدا آشنا نہ ہم ہوتے
نہ ہوتی ذاتِ گرامی جو درمیانِ حیات
ضرور لائیں گے تشریف صاحبِ معراج
بنے گی قبر ہماری بھی لامکانِ حیات
کچھ اور تیز قدم اضطرابِ جذبۂ شوق
رُکے دیارِ مدینہ یہ کاروانِ حیات
مقطع
بس ایک حدِ تنفّس ہے درمیاں اختؔر
ذرا بھی دور نہیں آستانِ جانِ حیات
Kalam Details
Bahr
Bahr-e-Ramal Musamman Mashkool Musakkan
Arkaan
مفعول فاعلاتن مفعول فاعلاتن
Radif
حیات
Zameen
بحر: رمل مثمن مشکول مسکن؛ ردیف: حیات
Sanf
نعت
Script
Urdu
Total Misra
22
Writer
Syed Marghoob Akhtar Al-Hamidi
Book
Naat Mahal