Naat
Is Dayar-e-quds Mein Laazim Hai Ae Dil Ihtiyaat
اس دیارِ قدس میں لازم ہے اے دل احتیاط
Urdu Kalam
مطلع
اس دیارِ قدس میں لازم ہے اے دل احتیاط
بے ادب ہیں کر نہیں پاتے جو غافل احتیاط
جی میں آتا ہے لپٹ جاؤں مزار پاک سے
کیا کروں ہے میرے ارمانوں کی قاتل احتیاط
اضطراب عشق کا اظہار ہو بے حرف و صوت
اے غم دل احتیاط اے وحشت دل احتیاط
عشق کی خودرفتگی بھی حسن سے کچھ کم نہیں
ہے مگر اس حسن کے رخسار کا تل احتیاط
انکے دامن تک پہونچ جائیں نہ چھینٹیں خون کی
ہے تڑپنے میں لازم مرغ بسمل احتیاط
آبتاؤں تجھ کو میں ارشاد اَوْادنیٰ کا راز
ان کے ذکر قرب میں لازم ہے کامل احتیاط
صرف سدرہ تک رفاقت اور پھر عذر لطیف
عقل والو ہے ادائے عقل کامل احتیاط
بس اسی کو ہے ثنائے مصطفیٰﷺ لکھنے کا حق
جس قلم کی روشنائی میں ہو شامل احتیاط
نام پر توحید کے انکار تعظیم رسولﷺ
کیا غضب ہے کفر کو کہتے ہیں جاہل احتیاط
مقطع
اس ادب نا آشنا ماحول میں اخؔتر کہیں
رہ نہ جائے ہو کے مثل حرف باطل احتیاط
Kalam Details
Bahr
Bahr-e-Ramal Musamman Mahzoof
Arkaan
فاعلاتن فاعلاتن فاعلاتن فاعلن
Radif
احتیاط
Zameen
بحر: رمل مثمن محذوف؛ ردیف: احتیاط
Sanf
نعت
Script
Urdu
Total Misra
20
Writer
Huzoor Syed Muhammad Madani Ashrafi Jilani
Book
Tajalliyat-e-Sukhan