Naat
Jaake La Ae Ishq Be Paayaan Qalamdaan-e-Habib
جاکے لا اے عشق بے پایاں قلمدانِ حبیبﷺ
Urdu Kalam
مطلع
جاکے لا اے عشق بے پایاں قلمدانِ حبیبﷺ
کچھ مضامین نعت کے لکھ زیر عنوان حبیبﷺ
کس کی آنکھیں لاکے دیکھوں بام عرفانِ حبیبﷺ
کون ہے جز کبریا کے مرتبہ دانِ حبیبﷺ
ہائے ہم ناشُستہ رو اور چشم گریانِ حبیبﷺ
سر اٹھانے ہی نہیں دیتا ہے احسانِ حبیبﷺ
گلشن فردوس پا کر مست بوہیں بلبلیں
اور ابھی دیکھا نہیں ہے نخل بستانِ حبیبﷺ
خاکِ پائے مصطفیٰﷺ پر لوٹتی ہیں جنتیں
سینکڑوں گلشن کھلے ہیں زیرِ دامانِ حبیبﷺ
رہ گزارِ مصطفیٰﷺ کی یاد فرمائی قسم
اس قدر بھائی مرے اللہ کو جانِ حبیبﷺ
سامنے کھولے ہوئے دو صفحۂ رخسار ہیں
یوں تلاوت کر رہا ہے رُوئے قرآنِ حبیبﷺ
گور کی تاریکیاں ہیں اور سیاہ فردِ عمل
المدد اے جلوۂ شمع شبستانِ حبیبﷺ
مقطع
خوبئ قسمت پہ جتنا ناز ہو کم ہے خلیؔل
رحمتِ حق نے بنایا ہے ثنا خوانِ حبیبﷺ
Kalam Details
Bahr
Bahr-e-Ramal Musamman Mahzoof
Arkaan
فاعلاتن فاعلاتن فاعلاتن فاعلن
Radif
حبیب
Zameen
بحر: رمل مثمن محذوف؛ ردیف: حبیب
Sanf
نعت
Script
Urdu
Total Misra
18
Writer
Mufti Muhammad Khaleel Barkati
Book
Jamal-e-Khaleel