Naat
Kitni Haseen Hai Un Ke Sanaakhwaan Ki Guftagu
کتنی حسیں ہے اُن کے ثناخواں کی گفتگو
Urdu Kalam
مطلع
کتنی حسیں ہے اُن کے ثناخواں کی گفتگو
آٹھوں پہر ہے سرورِ دوراں کی گفتگو
ہر وقت کیجئے شہِ خوباں کی گفتگو
آنکھوں کا ذکر ہو کبھی مثرگاں کی گفتگو
اَسریٰ میں جب حضورﷺ تھے خالق سے ہمکلام
تھی قُدسیوں میں عظمتِ انساں کی گفتگو
اللہ اور سلسلۂ شب دراز تو ہو
جاری ہے اُن کے گیسوئے ذیشاں کی گفتگو
سُن لے جو تذکرہ بھی عذارِ حبیبﷺ کا
چھیڑے نہ عندلیب گلستاں کی گفتگو
کیا شامِ عیدِ آمدِ یادِ حبیبﷺ ہے
ہے آنسوؤں میں جشنِ چراغاں کی گفتگو
تیرے سوا خیالِ نبیﷺ! میں تِرے نثار
سمجھا نہ کوئی دیدۂ گریاں کی گفتگو
دردِ فراقِ طیبہ ہے خود میرا چارہ گر
کیجے نہ میرے سامنے درماں کی گفتگو
پھولوں کی بزم ہو کہ ہو تاروں کی انجمن
ہوتی ہے آپ کے لب و دنداں کی گفتگو
مقطع
کل روزِ حشر مدحِ نبیﷺ کے طفیل میں
اختؔر سے ہوگی حضرتِ حسّاں کی گفتگو
Kalam Details
Bahr
Bahr-e-Rajaz Musamman Matwi Makhboon
Arkaan
مفتَعِلن مفاعلن مفتَعِلن مفاعلن
Radif
کی گفتگو
Zameen
بحر: رجز مثمن مطوی مخبون؛ ردیف: کی گفتگو
Sanf
نعت
Script
Urdu
Total Misra
20
Writer
Syed Marghoob Akhtar Al-Hamidi
Book
Naat Mahal